O dúnıe, bu dúnıeniń shetimenen,
Bozdap ketip barady jetim óleń.
İzdeısiń aspan men jer ortasynan
Shyndyǵyńdy týa sap shetinegen.
Tasyr zaman tezimen ıip kúshti,
Qanatymnyń jartysyn qıyp tústi.
Júregimniń ýaqyt jarasyna,
Ý qylyp quıa saldy kúıikti ishki.
Tún jutyp úmitimdi aı qulaqty,
Janyma jahandaǵy qaıǵy batty.
Qulaq orny tas bitken bul qoǵamda,
Aıtasyń qaı armandy, qaı muratty…
Shyńyraýǵa laqtyrsam kúdikti ústem,
Ázázil oı jutynyp ulypty ishten.
Sur kóleńke ańdıdy qaqshý úshin,
Kún sáýlesin aspannan kúlip túsken.
Serik Qalıev
