Qaıtaıyn dep sharaptan qanyp iship,

Toıǵa keldi bir adam alyp ushyp.

"Toıda ishseń aıyp joq"- dep qoıady,

Týystarmen kezdesseń saǵynysyp.

Kostúmy bar ústinde eń ádemi,

Basynda bul táp-táýir adam edi.

Bótelkege syıǵanmen adamdarǵa,

Syımaıtyn araq netken jaman edi.

Basy aınalyp sálden soń mıy keýip,

Birte-birte barady syıy kemip.

Árkimge bir ázildep yrjalańdap,

Otyr endi maımyldyń kúıine enip.

Qatty sóılep eshkimnen namystanbaı,

Araqty emes aqylyn taýysqandaı.

Aınalada otyrǵan adamdarǵa,

Aqyrýdy bastady arystandaı.

Aqyrǵan soń qashty áne dos qasynan,

Ne qylam dep jýysyp bosqa osyǵan.

Jerge jatyp endigi aýnaǵany,

Aýmaǵany orystyń shoshqasynan.

Aıýan boldy basynda adam edi,

Qaıda qaldy kastúmy eń ádemi.

Búırek penen baýyrdan túk qalǵan joq,

"Densaýlyq úshin" iship ne bar edi?!

Haram toıdy Jaratqan jaqtyrmaıdy,

İshken jannyń basynda baq turmaıdy.

Este saqta adamzat, araq degen

Aryńyzdy eshqashan aq qylmaıdy

Jandarbek Bulǵaqov