«Qazposhta» AQ men «Turǵyn úı qurylys jınaq banki» AQ ortaq kelisimge keldi. Endi qaladan alys ornalasqan aýyl turǵyndaryna dıpozıt ashý úshin «Turǵyn úı qurylys jınaq bankine» arnaıy barýdyń qajeti joq. Bank salymshylary turǵyn úı jınaqtamasyn poshta baılanysy arqyly júrgize alady.

Ol úshin jergilikti Qazposhta bólimshesine jeke kýálikpen baryp, óz esip-shotyna 15 000 myń teńge salsa bolǵany. Depozıt ashý paıyzsyz, tegin. Bank salymdary men tólemderi de aqysyz. Búginde Qazaqstanda Qazposhtanyń 800-den astam bólimsheleri jumys isteıdi. Onyń 62% iri qalalarda, 38% aımaqtarda ornalasqan. Bul týraly Ortalyq komýnıkasıalar qyzmetinde ótken baspasóz konferensıasynda «Qazposhta» AQ Qarjy qyzmetter jónindegi basqarýshy dırektor Aınur Kúnqojaeva málimdedi.

-Respýblıka boıynsha «Turǵyn úı qurylys jınaq banki» AQ 17 fılıaly men 15 qyzmet kórsetý ortalyǵy jáne 150 keńes berý ortalyǵy jumys isteıdi. Al, elimizde eń kóp fılıal jelisi bar Qazposhta arqyly bul múmkindikter arta tústi. Bul joba bank qyzmetteriniń qoljetimdiligin kórsetýmen qatar, poshtalyq operatorlar arqyly memlekettik turǵyn úı baǵdarlamalary týraly kóbirek aqparattandyrý degen sóz», - deıdi «Qazaqstannyń turǵyn úı qurylys jınaq banki» AQ Basqarmasy Tóraıymynyń orynbasary  Janar Jubanıazova.

Búgingi tańda «Turǵyn úı qurylys jınaq banki» AQ 950 myń jınaqtaýshy esep-shoty ashylyp, 460 mlrd tenge salym júrgizilgenin atap ótti. Jobanyń taǵy bir jańalyǵy – bank operasıalary tegin júrgiziledi. Oǵan deıin 1% quraǵan edi. Bul taraptar arasyndaǵy kelisim nátıjesinde qol jetkizilgen jaǵymdy jańalyqtar.  

«Turǵyn úı qurylys jınaq banki» AQ 13 myńǵa jýyq úı turǵyzady

«Baıterek» ulttyq holdıńi men «Turǵyn úı qurylys jınaq banki» AQ  birlesip «Nurly jer» memlekettik baǵdarlamasynyń damýyna úles qosady.

- «Turǵyn úı qurylys jınaq banki» AQ 2016 jyly Elbasy jarlyǵymen shyqqan  «Nurly Jer» memlekettik baǵdarlamasynyń negizgi oryndaýshylary boyp keledi. Respýblıka boıynsha atalǵan baǵdarlama aıasynda kópqabatty jáne jekemenshik úılerdiń qurylysy josparlanyp otyr,- dep málimdedi «Qazaqstannyń turǵyn úı qurylys jınaq banki» AQ Basqarmasy Tóraıymynyń orynbasary  Janar Jubanıazova Ortalyq komýnıkasıalar qyzmetinde ótken baspasóz konferensıa barysynda.

Janar Jubanıazovanyń aıtýynsha,  «Nurly jer» baǵdarlamasy boıynsha jalpy aýdany 860 myń sharshy metr 13 myń páter salyný josparda bar. Oǵan deıin salymshy úshin úı qunynyń 50% jınaý shart bolsa, «Nurly jer» baǵdarlamasy aıasynda 30% jınaý jetkilikti. Qalǵan 20% baǵdarlamanyń ıntegrsıasyna tıesili. 

«Qazaqstannyń turǵyn úı qurylys jınaq banki» AQ

jańa tehnologıalar júıesin engizdi

«Qazaqstannyń turǵyn úı qurylys jınaq banki» AQ klıentterine qyzmet kórsetýdegi jańa tehnologıalardyń engizilgenin habarlaıdy. Bıyl mamyr aıynan bastap QR–kod arqyly tólem júrgizý iske qosyldy. Salymshylar úshin smartfon arqyly depozıt tolyqtyrý múmkindikteri de ashyldy. Nátıjesinde klıenttermen jumystyń sapasy artyp, ýaqyt únemdelgen.  

2016 jyly «Qazaqstannyń turǵyn úı qurylys jınaq banki» AQ «JSSB 24» júıesin engizgen bolatyn. HQO-dan  klıenttiń tólem qabiletin rastaıtyn anyqtamasyz nesıe rásimdeý múmkindigi boldy. Jańa júıe arqyly klıent óziniń esep-shotyndaǵy somasy men syıaqy mólsherin tekserip, komısıasyz nesıe tólemderi júrgizilgen. Internet-bankıngtiń qyzmetin paıdalanatyn bank klıentteriniń sany 200 myń. Onyń 47 myńy memlekettik baǵdarlamalarda dıstansıondy túrde qatysqan.

«Keńesshiniń áleýmettik jelisi» jobasy arqyly 110 myń salymshy tirkelgen.  Baǵdarlamaǵa sáıkes, depozıtti úıde nemese kez kelgen orynda ashýǵa bolady. Ol úshin bank konsýltanty ınternetke qosylǵan planshetpen kelip tirkeıdi. Jańa tehnologıalar bank pen klıenttiń arasyndaǵy jumystyń jaılylyǵyn qamtamasyz etedi, - deıdi «Qazaqstannyń turǵyn úı qurylys jınaq banki» AQ Basqarmasy Tóraıymynyń orynbasary  Janar Jubanıazova.