Jaqynda Belgıa azamatshasynyń Taılandta júrip qaza tapqany týraly aqparat barlyq BAQ-ta jarıalanǵan bolatyn. Ol alyp kesirtkeniń jemine aınalyp qaza tapty dep habarlandy. Alaıda másele munshalyqty ońaı emes. Qamshy aqparattyq agenttigi Taılandta oryn alǵan jumbaq ólimniń sebepteri týraly málimetti oqyrman nazaryna usynady.
Taıland polısıasy 30 jastaǵy belgıalyq týrıs qyzdyń ólimine qatysty zertteý júrgizip jatyr. Elıza Dalmannyń denesi Ko Tao dýjnglıinde tabylǵan. Bul osy jerde oryn alǵan birinshi qaıǵyly jaǵdaı emes. Osy jyldyń kókteminde demalysta júrgen reseılik týrıs te túsiniksiz jaǵdaıda qaza tapqan. Onyń aldyńǵy jyly 5 týrıs osy aralda kóz jumǵan.
Sıam shyǵanaǵyndaǵy Ko Tao araly óziniń koralldy rıfteri men sulý tabıǵatymen tanymal. Sońǵy úsh jylda bul aralda Eýropa týrıseriniń ishinde 1,5 myń adam belgisiz jaǵdaıda qaza tapqan. Polısıa bul ólimderdiń kópshiligin sýısıd dep baǵalaǵan.
Alaıda sońǵy qurban – 30 jastaǵy marqum Elıza Dalmannyń anasy qyzynyń ólimi sýısıd emes ekenin aıtyp daýlasqan. Elızanyń jartylaı kesirtkege jelingen denesi eski mataǵa oralǵan kúıi janarmaı janynda tabylǵan. Jergilikti polısıa qyzdyń denesi tabylmaı turyp ony sýısıd jasady dep málimdegen. Alaıda qyzdyń denesi tabylǵan soń da is qozǵalmaǵan. Tek qyzdyń anasy aryz jazǵan soń ǵana zertteý júrgizilgen.
Elızanyń anasy qyzynyń sýısıdke baratyndaı bolmaǵanyn, joǵalardyń aldynda onymen sóıleskenin aıtqan. Týrıs qyz Azıa men Avstralıada saıahattap júrgen. Bangok arqyly úıine qaıtpaqshy bolyp júrgen.
«Sońǵy hatty Elıza jazyp qaldyrmaǵan. Qonaq úıdegi barlyq zattary jınaýly turǵan. Polısıa qyzdyń denesi jýnglıda kıim-keshekke oralǵan kúıi tabylǵan dep habarlady. Bangokqa bılet satyp alyp odan keıin jýnglıǵa ózin-ózi óltirý úshin barýdyń ne qajeti bar? Polısıaǵa senbeımin. Bul jerde basqa bireýlerdiń de qatysy bar»-deıdi qyzdyń anasy Deılı Meıl basylymyna bergen suhbatynda.
Qyzdyń denesine sot medısınalyq saraptama Bangok ınstıtýtynda jasaldy. 14 kúnnen keıin qyzdyń denesin kremasıalaǵan (órtegen). Saraptama nátıjelerin marqumnyń anasyna kórsetpegen.
Qyzdyń denesin tapqan týrıserdiń biri ony basqa aralda óltirip tastaýy múmkin ekendigin aıtty. Phangan aralynda belgıalyq azamatsha ıoga, shyǵys tájirıbelerimen aınalysyp júrgen. Sonymen birge dinı neoındýıstik destrýktıvti sektaǵa baryp júrgen. Onyń ustazy Raaman Andreas týrıs qyz qaıtyp bara jatqanda baqytty bolyp kóringendigin aıtqan. Qazirgi ýaqytta quzyrly organdar ony tergeý úshin izdestirip jatyr.
Polısıa onymen qosa, Elıza sáýir aıynda poıyz jolynda sýısıd jasamaqshy boldy dep málimdegen. Sol kezde ony psıhıatrıalyq aýrýhanaǵa emdelýge jibergenderin jetkizgen. Alaıda marqumnyń anasy bul máselege qatysty pikirin bildirgen joq. Onyń oıynsha Taıland polısıasy óyzynyń sýısıd jasaǵanyn dáleldeý úshin barlyǵyna barady.
Elıza bul araldaǵy jumbaq ólimmen qaıtys bolǵan 7-shi týrıs. Osyǵan deıin týrıser 2014, 2015, 2016 jyldary sýǵa batyp, joǵalyp, bastarynan jaraqat alyp qaza tapqan. Alaıda olardyń qaza tabý sebepteri belgisiz. Polısıa bolsa bul ólimderdiń bárin sýısıdke balap isti jaýyp otyrǵan.
Osy jyldyń aqpan aıynda reseılik 23 jastaǵy Vlentına Novojenova esimdi qyz múldem iz-tússiz joǵalyp ketken. Onyń qaıda ekeni áli kúnge deıin belgisiz.
BAQ-tyń jazýynsha Ko Tao araly mafıozdyq toptardyń baqylaýynda. Taılandta ony Chao Po dep ataıdy. Mundaı qylmystyq toptar esirtki, jezókshelik, týrısik bıznespen aınalysady. Alaıda Ko Tao aralynyń mundaı jaǵyn bilgen týrıserdiń barlyǵy qorqyp mundaı jolaı qoımatynyn bilgen bul top jergilikti polısıaǵa sózderi júretin kórinedi.
Sholýshy: Nazerke MUSA
