WeChat áleýmettik jelisinde arandatýshylyq áreketke jol beretin habarlama taralýda. Azamattyq ala almaı júrgen oralman aǵaıyndardy erteń bir ortalyqqa jınalý týraly úndegen bul habarlandyrýǵa belgili bir uıymnyń nemese tulǵanyń aty jazylmaǵan. Ózderińiz biletindeı, qoǵamdyq ortada toptasyp mıtıń jasaý qalalyq ákimdiktiń ruqsatymen ǵana júzege asady. Iaǵnı bul uıymdasý sharasynda eshqandaı da resmı ruqsat qaǵazdary joq degen sóz. Sondyqtan da, arandap qalýdan saq bolaıyq, ardaqty aǵaıyn! Bul sheteldegi qandastarymyzdy Atajurtqa esh kedergisiz kóshirýge yqpal etetin "Kóshi-qon" týraly zańnyń jańa ózgertýlerine qarsy jasalǵan qadam dep esepteımiz.
