30 búldirshindi zorlaǵany úshin shirkeý qyzmetkeri jaýapkershilikke tartylmaǵan, dep habarlaıdy Qamshy.kz aqparattyq agenttigi sheteldik BAQ-qa silteme jasap.

Ol 5 jáne 15 jas aralyǵyndaǵy 30-dan astam qyz balalardy zorlaǵanyn moıyndaǵannan keıin shirkeýdiń ózge qyzmetkerleri ony aqtap alǵan.

Hose Garsıa esimdi katolıktik shirkeý qyzmetkeri VICH aýrýyna shaldyǵyp, onymen qoımaı kishkentaı búldirshinderdi zorlaǵany úshin qylmystyq jaýapkershilikke tartylmaıdy eken. Sonymen qatar, ol óziniń qylmysyn tolyqtaı moıyndaǵan.

Pedofıldiń qurbanyna aınalǵan bir búldirshinniń anasy qyzynan aıyrylǵannan keıin Rım papasyna hat jazyp, jaǵdaıdy talqylaý úshin kezdesýdi ótingen. Alaıda, ol «Bul másele jabyldy» dep úzildi-kesildi bas tartypty.

Hose Garsıa 20-dan astam qyz balalardy seksýaldy qatynasqa súıregenin aıtyp berdi. Olardyń basym kópshiligi jergilikti, ıaǵnı Oahakı qalasynyń turǵyny eken. Oahakı – jergilikti turǵyndary kóp, Meksıkanyń ońtústiginde ornalasqan qala.

Meksıkada katolıktik shirkeýdiń mańyzy óte zor bolǵandyqtan shirkeý qyzmetkeri qandaı da bir qylmystyq jazaǵa tartylmaıdy eken. Jergilikti BAQ betterindegi derekterde kórsetilgendeı, shirkeý qyzmetkeri Meksıkalyq Mıtropolıı tarapynan qandaı da bir qysym kórmeıtin bolǵan.

Sonymen qatar, pedofıldiń qurbanyna aınalǵan 30-ǵa jýyq adamnyń tek ekeýi ǵana sotqa shaǵym túsiripti. Olar shirkeý qyzmetkeriniń aqtalǵanyna qatysty úkimge narazylyq bildirmek bolǵan.

Hose Antonıo Forteanyń aıtýynsha, kishkentaı búldirshinderge zorlyq jasaý – saıtannyń isi bolyp tabylady.

Birneshe ýaqyt buryn Fransısk pedofıl shirkeý qyzmetkerlerine qatysty jazany toqtatatynyn aıtqan. Sonymen qatar, olardy jazalaýdyń ornyna, kerisinshe, olardy basqa shirkeýge aýystyryp, qoldaýdy suraıdy. Onyń aıtýynsha, meıirimdilikke toly qatań jazaǵa tartpaıtyn shirkeý jasamaq eken.