Astana qalasynyń ákimine «TMD-ǵa 25 jyl» atty arnaıy medal tabystaldy, dep jazady Qamshy.kz aqparat agenttigi. TMD astanalary men iri qalalarynyń halyqaralyq assambleıasynyń XXV sesıasynda Astana ákimine medal tabystaǵan «TMD ekonomıkalyq damýy iskerlik keńesi» dırektory Vladımır Savchenko boldy.

«TMD iskerlik ortalyǵy men basshylyǵynyń atynan Astana qalasynyń ákimi Áset Isekeshev pen halyqaralyq qalalar assambleıasynyń prezıdenti Irek Ialalovqa «TMD-ǵa 25 jyl» atty medaldi tabystaýǵa ruqsat etińizder. Jańa tehnologıany nyǵaıtýda belsendi túrde eńbektenip jatqandaryńyzǵa alǵysymdy bildiremin», - dedi Savchenko.

TMD-nyń ekonomıkalyq damý İskerlik ortalyǵynyń bas dırektory Qazaqstan astanasynyń jas qala ekenin aıta ketip, 25 jyl buryn Almatyda Dostyq týraly kelisimge qol qoıylǵanyn eske túsirdi.

«Dál osy memlekette 25 jyl buryn Almaty qalasynda Táýelsiz memleketterdiń Dostyǵy jóninde kelisimge qol qoıylǵan edi. Al búgin nebári 19 jastaǵy jańa astanada bas qostyq», - dedi Roman Savchenko.

Sesıa jumysyna TMD atqarýshy komıteti Halyqaralyq qalalar asosıasıasyna múshe  28 qalanyń júzge jýyq ókilderi, 5 halyqaralyq birlestik, 7 ǵylymı jáne saraptaý uıymynyń ókilderi qatysýda.

Sholýshy: Gúlim Jaqan

Foto: kazpravda.kz