Qazaqstan Prezıdenti Nursultan Nazarbaev Eýrazıalyq ekonomıkalyq odaq qurýǵa qatysty aıtylǵan synǵa jaýap berdi, - dep habarlaıdy Qamshy.kz aqparat agenttigi Tengrinews.kz-ke silteme jasaı otyryp. Astanada QR UQK-nyń qurylýyna 25 jyl tolýyna oraı ótken jıynda Nursultan Nazarbaev ıntegrasıalyq prosester damýy men TMD elderiniń ózara qarym-qatynasynyń nyǵaıýyna qatysty másele qozǵady.
"Álemde saqtalyp qalǵan tereń qaıshylyqtar halyqaralyq qaýymdastyqqa túgeldeı syn bolyp otyr. Onyń ishinde Qazaqstanǵa da. Jahandyq problemalardy jemisti transshekaralyq áriptestik aıasynda ǵana sheshýge bolady. Qazaqstan - ekonomıkalyq yqpaldastyq pen árekettestikke baǵyttalǵan ıntegrasıalyq prosesterdiń damýyn júıeli jaqtaýshysy. Men erterekte bolǵan adamgershilik, mádenı qarym-qatynastardy saqtaýdy qoldadym. Sondyqtan TMD-ny nyǵaıtýdy usyndym", - dedi Prezıdent saltanatty sharaǵa qatysýshylardyń aldynda.
"Alaıda qalaǵanymyzdaı bola qoımady. Sosyn árqıly jyldamdyqtaǵy ıntegrasıany usyndym, ol boıynsha qalaǵandar tyǵyz bolady da, qalǵandary assosıatıv túrde baılanysady. Sondyqtan Eýrazıalyq ekonomıkalyq odaq quryldy. Osyǵan baılanysty qanshama syn estidik: ımperıa qurylady, birigedi dedi. Olaı emes! Bul taza ekonomıkalyq birlestik, barlyq eldiń múddesi úshin paıda boldy. Árıne, odaq daǵdarys kezinde paıda boldy. Kórip otyrǵanymyzdaı, bıyl Eýrazıalyq ekonomıkalyq odaq elderiniń arasynda saýda 30-40 paıyzǵa ósip jatyr. Odaqty áleýetti dep esepteımin jáne tirshilik etip jatqan uıym, 40-qa jýyq memleket áriptestik ornatqysy keletini jáne asosıasıa qurǵysy keletini de tegin emes", - dep málimdedi Nursultan Nazarbaev.
