Polıseıler ýaqytsha tirkeýge qatysty jańa erejerler jaıly aıtty, dep habarlaıdy Qamshy.kz aqparat agenttigi QazAqparatqa silteme jasap.

Almaty qalalyq İİD kóshi-qon polısıasynyń málimetinshe, 12 shildede turǵyndardy turǵylyqty jeri boıynsha ýaqytsha tirkeý erejesine ózgeris engizildi.

Mıgranttar «Halyqty tirkeý jáne qujat rásimdeý» pýnki boıynsha turǵylyqty jeri jáne ýaqytsha turatyn jeri boıynsha tirkeýden ótý kerek. Buǵan deıin úsh aıdan astam turatyn bolsa turǵyn sol jerge óz ótinishimen tirkeýge turatyn edi.

«Eger azamat bir aıdan asa ýaqyt turatyn bolsa nemese úıdi jalǵa alsa ol 10 jumys kúni ishinde ishki ister organyna esepke turý kerek. Ol mundaı jaǵdaıda turǵylyqty jerinen tirkeýden shyqpaıdy. Eger azamat týysynyń úıine 1 aıǵa deıingi ýaqyt aralyǵynda bolsa, sol jerge tirkelýdiń kajeti joq», – deıdi Almaty qalasy İİD kóshi qon polısıa basqarmasynyń qujat rásimdeý jáne halyqty tirkeý bóliminiń basshysy Aıken Qasymova.

Onyń aıtýynsha, jergilikti jeri boıynsha tirkelý ýaqytsha tirkeý bolyp sanalady. Onyń merzimi 1 aıdan 1 jylǵa deıin. Al mıgranttardyń is-sapar, oqý, is tájirıbe úshin aıǵaqtaıtyn qaǵazy kerek. Ol 4 jylǵa deıin jaramdy. Vahtalyq jumys isteıtinder men emdelýshiler, densaýlyǵy syr bergen jandar, 16 jasqa tolmaǵandar jergilikti jeri boıynsha ýaqytsha tirkelýge mindetti emes.

Azamattar qalanyń kez kelgen halyqqa qyzmet kórsetý ortalyǵyna bara alady. Anketalyq málimetterin ózgertkender men 16 jasqa tolmaǵandar turǵylyqty meken-jaıy boıynsha halyqqa qyzmet kórsetý ortalyqtaryna júginedi.