Quqyq qorǵaý organdary jurtshylyqty taǵy da eskertip jatyr. Endi zań boıynsha basqa jerge aıdan asa saparlaǵan adam 10 kún ishinde ýaqytsha tirkeýge turýǵa mindetti dep jazady Qamshy.kz aqparattyq agenttigi KTK arnasyna silteme jasaı otyryp.

Áıtpese, 7 aılyq eseptik kórsetkish, ıaǵnı 16 myń teńge kóleminde aıyppul arqalaıdy. Bir jylda ekinshi ret tirkeýsiz ustalsa, 30 myń teńge tóleıdi. Eldi dúrliktirgen Úkimet qaýlysy tek 16 jasqa tolmaǵandarǵa, densaýlyq jaǵdaıyna baılanysty emdelip jatqandarǵa jáne vahtalyq ádispen jumys isteıtinderge ǵana júrmeıdi. Al ýaqytsha tirkeýge 1 aıdan 1 jylǵa deıin turýǵa bolady. Biraq, odan kóp merzimge kelgender tıisti qujattaryn kórsetken jaǵdaıda ýaqytyn 4 jylǵa deıin uzarta alady. Halyqqa qyzmet kórsetý ortalyqtarynan bólek, ǵalamtor arqyly tikelýge de múmkindik bar. Aıta keterligi, azamattardyń tirkeýsiz júrgen ýaqytyn anyqtaý tetikteri zańda sol kúıi naqtylanbaǵan. Sondaı-aq, polıseıler eshkimdi ańdyp júrip ustamaımyz dep otyr.

Saltanat Ázirbek, Almaty qalasy İİD resmı ókili:

-Jedel aldyn alý jumystary bolady degen sóz emes. Bul óz jumys babymen mysaly, ýchaskelik ınspektor nemese iz kesýshiler azamattardyń qujattaryn tekseretin bolsa, eger osyndaı olqylyqtar, qatelikter anyqtalatyn bolsa ǵana ákimshilik jaýapkershilikke tartylady.  

Sholýshy: Ásel Bolatqyzy