Ystambuldyń shyǵys tusyndaǵy aýdan Ýmranıeniń Dýdýlly mahallesindegi úlken dańǵyldardyń birine Ál-Qaıda uıymynyń negizin qalaǵan Abýlla Azzamnyń aty berilgen dep jazady Qamshy.kz.

Terrorshylar tiziminiń serke esimderiniń biri, jahandyq jıhad ıdeologıasynyń negizin salǵan Abdýlla Azzamnyń atyna kóshe berý Respýblıkashyl halyq partıasynyń shamyna tıgen. Premer Iyldyrymǵa depýtattyq saýal joldaǵan partıa depýtaty Tanyrquly Túrik parlamentinde «dańǵyldyń eski ataýy qandaı edi? Túrkıa Ál-Qaıdany terror uıymy dep tanýdan bas tarta ma? Eger Ál-Qaıda terror uıymy bolsa ony qurýshynyń aty kóshege qandaı negizben berildi?» dep másele kótergen.

Aıta ketsek, Ál-Qaıda — 2996 adamnyń ómirin qıǵan ataqty Egiz munara terrorlyq aktisimen álemge tanys.  Túrkıa Ál-Qaıdany terror uıymy retinde tanıdy. Ál-Qaıda Túrkıada alǵash ret 2003 jyly terraktter uıymdastyrǵan. 15-20 qarasha arasynda Ystambulda bolǵan 4 birdeı terraktten 59 kisi ólip, 750-den astam adam jaralanǵan. Osy terrakttiń ekinshi jarylysynda Ulybrıtanıanyń Túrkıadaǵy bas konsoly qaıtys bolǵan.

Abdýlla Azzam — Palestınanyń yqpaldy dintanýshy ǵalymy bolǵan. Aýǵanstandaǵy  Sovet áskerimen soǵysýǵa musylmandardy jıhadqa shaqyryp aty shyqqan. 1989 jyly jarylysta qaza tapqan.