Álemdiń boks sahnasynda «QAZAQ» degen laqap atpen tanymal bolǵan qazaqstandyq boksshy Qanat Islamnyń Astanada kimmen judyryqtasatyny belgili boldy, – dep habarlaıdy Qamshy.kz.

9 qyrkúıekte Astana qalasynda otandasymyz sharshy alańda kanadalyq Brendon Kýkpen kezdesedi.

31 jastaǵy kanadalyq boksshy kásipqoı boksta 18 jekpe-jek ótkizip, barlyǵynda jeńiske jetken. 11 kezdesýin ýaqytynan buryn aıaqtaǵan. Sońǵy jekpe-jegin ol otandasy Stıven Batlerge qarsy ótkizip, nokaýtpen jeńgen edi.

Al, Qanat Islam sońǵy kezdesýin meksıkalyq Norberto Gonsaleske qarsy AQSH-tyń Florıda shtatyndaǵy Boka Raton qalasynda ornalasqan «Boca raton resort & club»-ta ótkizip, tóreshiler sheshimimen jeńiske jetip,  WBO NABO jáne WBA Inter-Continental vakantty tıtýlyn jeńip alǵan edi.

Ularbek Dáleıuly