Ázirbaıjanda budan bylaı jabyq ǵımarat ishinde jáne qoǵamdyq oryndarda múldem shylym shegýge bolmaıdy. Qazir elde osy maqsatta arnaıy zań ázirlenip jatyr, dep habarlaıdy Qamshy.kz aqparat agenttigi 24 Habar málimetine súıenip.
Jaqyn arada Ázirbaıjanda arnaıy temeki shegetin oryn azaıady. Basty sebep jańadan qabyldanǵan zań bolyp tur. Depýtattardyń oıynsha endi kóptegen jer temeki tútininen taza bolady. Mundaı arnaıy zań Ázirbaıjanda alǵash ret qabyldanyp otyr.
Parlament depýtaty Musa Gýlıevtiń aıtýynsha, temekige qarsy zań parlamenttiń ekinshi otyrysynda qabyldandy. Endi kúzdegi sesıada halyq qalaýlylary qaýlyny qabyldap, jyl sońyna deıin is júzine engizedi. Zańnamanyń basty maqsaty - balalardy temeki tútininen qorǵaý.
Sonymen qatar, jabyq keńselerdiń barlyǵynda endi hor-hor men elektrondy temekini de tartýǵa tıym salynady. Osyǵan deıingi zańnamada meıramhana, kafelerde temeki shege berýge bolady delingen. Endi jańa zań munyń barlyǵyn joqqa shyǵarady. Eger tártip buzylǵan jaǵdaılar tirkelse, mindetti túrde aıyppul salynady.
