EXPO — 2017 Astana ulttyq kórmesi aıasynda jolaýshylar tasymaly qyzmetin jaqsarta túsý úshin jolaýshylar vagondary jańartylýda dep jazady Qamshy.kz.
2016 jyly temirjol jolaýshylar tasymalyn memlekettik sýbsıdıalaý mehanızmin ózgertýdi kózdeıtin Qazaqstan Respýblıkasynyń Zańy qabyldanyp, jolaýshylar vagondary parkin jańartýǵa ınvestısıalar tartýǵa zańnamalyq negiz paıda boldy.
Iaǵnı jańa sharttar boıynsha jasasqan qarjylandyrý kelisimsharttaryna sáıkes aǵymdaǵy jyldan bastap tasymaldaýshylarmen áleýmettik mańyzy bar baǵyttarǵa jańa jolaýshylar vagondaryn deńgeıli satyp alý jumystary júrgiziledi.
Atap aıtqanda, №75/76 Qyzylorda – Petropavl baǵytyndaǵy poezd quramy 56%-ǵa nemese 13 reseılik plaskart vagondarymen jańartyldy.
Sonymen qatar, № 621/622 Qostanaı – Arqalyq jáne № 327/328 Qostanaı – Qaraǵandy baǵyttaryndaǵy poezdar quramynda júrip turatyn jolaýshylar vagondary parkiniń 50% nemese 12 birligi jańartyldy.
Jańartý is-sharalary erterekte jolaýshylar tarapynan kóptegen shaǵymdar túsken № 43/44 Qostanaı – Almaty baǵytyndaǵy poezynda qarastyrylǵan. Iaǵnı, poezd quramy 14 plaskart vagondarymen jańartylǵan jáne 2017 jyldyń aıaǵyna deıin taǵy 6 jańa vagonmen tolyqtyrylatyn bolady.
Sonymen birge, № 307/308 Astana – Jezqazǵan jáne № 55/56 Kókshetaý – Qyzylorda baǵyttaryndaǵy poezdar quramdaryn 10 kýpe jáne plaskart vagondarymen ishinara jańartý kútilýde.
Jańa vagondar qadaǵalaý, dıagnostıka jáne vagondy basqarý júıesimen, aýa salqyndatqyshpen, vakýmdyq bıo dárethanalarmen, órt sóndirý júıesimen, tońazytqysh jáne mıkrotolqyndy peshpen jabdyqtalǵan. Sonymen qatar jolaýshylardyń yńǵaılylyǵy úshin jeke elektr qýattaǵysh kózderi qarastyrylǵan.
Jolaýshylar vagondaryn kezeńdi jańartý sharalary aldaǵy jyldary jalǵasatyn bolady. Bul óz kezeginde qazaqstandyq jolaýshy vagondary parkiniń tozý deńgeıin tómendetýge jáne halyqqa temirjol kóligimen qolaıly júrip-turýyna múmkindik beredi.
