26 shildede Oral qalasynda Jaıyq Kúni aıasynda  «Qorshaǵan ortanyń jaǵdaıyn jaqsartýdaǵy áıelderdiń roli» atty halyqaralyq forým ótedi.

Atalmysh shara 2016 jyly 4 qazanda Qazaqstan men Reseı úkimetteri  arasynda qol qoıylǵan  transhekaralyq ózenderdiń ekojúıesin saqtaý  jónindegi kelisim aıasynda ótedi.  Qazaqstan men Reseı birlesip ótkizetin bul shara bıyl 21-nshi ret ótkiziletin Jaıyq ekspedısıasynyń zańdy jalǵasy bolyp tabylady. Forýmnyń basty maqsaty - Jaıyq ózeniniń ekojúıesin saqtaý, jaqsartý, «jasyl»  ekonomıkany  damytý.

2017 jyldyń 11 naýryzynda  BQO ákimi A. Kólginov pen Orynbor oblysynyń gýbernatory  Iý. Bergtiń arasynda Jaıyq ózeni týraly hattamaǵa qol qoıylyp, jyl saıyn arnaıy Jaıyq Kúnin ótkizý sharasy belgilendi. 

Forýmdy QR Prezıdenti janyndaǵy áıelder isteri jáne otbasylyq –demografıalyq saıasat jónindegi ulttyq komısıa,  Qazaqstandaǵy   BUU damý baǵdarlamasy aıasynda oblys ákimdigimen birlese  uıymdastyrdy.

Forýmǵa  Reseı federasıasynyń Bashqurtstan, Orenbýrg, Saratov, Chelábınsk oblystarynan, halyqaralyq ÚEU, Aqtóbe, Atyraý oblystarynan delegattar jáne jergilikti, ortalyq atqarýshy  organdardan  barlyǵy 300 adam qatysady dep kútilýde.

Áıel kásipkerlerdi «Jasyl ekonomıkany» damytýǵa tartý- forýmnyń negizgi taqyryptarynyń biri. Sondaı aq Reseıdegi «Ekologıa jyly-2017», Astana qalasyndaǵy «EKSPO 2017» halyqaralyq kórmesi aıasynda ekonomıkanyń jetekshi salasy «jasyl» tehnologıa jónindegi birlesken jobalardy engizý máselesi de usynyldy.  Sonymen birge forýmda týrızm salasyndaǵy  bıznesti damytý, qyzmet kórsetý, sývenırlik ónimderdi óndirý, qonaq úı bıznesi taǵy da ózge máseleler kóteriletin bolady.