31 shilde men 4 tamyz kúnderi aralyǵynda EKSPO-2017 halyqaralyq kórmesi aıasynda Astanada Batys Qazaqstan oblysynyń kúnderi ótedi.
BQO kúnderi aıasynda Astananyń turǵyndary men qonaqtary oblys ujymdarynyń úzdik jumystarymen tanysyp, Jaıyq óńiri ártisteriniń qoıylymyn, murajaılardyń jańa qyzyqty ekpozısıalaryn tamashalaı alady. Bes kúnge sozylatyn mádenı sharalardyń baǵdarlamasyna sáıkes Batys Qazaqstan oblystyq qazaq drama teatrynyń qoıylymymen «Troıa arýlary» spektakli jáne F.Býlákovtyń «Qysqa ǵumyr» muńdy komedıasy kórsetiledi. Spektákl Q.Qýanyshbaev atyndaǵy teatrda ótedi.
A.Ostrovskıı atyndaǵy teatry Astananyń M.Gorkıı atyndaǵy teatrynda Jan Batıst Molerdiń «Lekar ponevole» spektaklin jáne A.N.Ostrovskııdiń «Poslednáá jertva» dramasyn, sonymen birge Ý.Shekspırdiń «Dvenadsataıa noch» spektakliniń qoıylymy somdaıtyn bolady.
Astanadaǵy etnoaýyl alańynda oblystyq tarıhı-ólketaný murajaıy óz eksponattarymen tanystyrady.
EKSPO-2017 taqyrybymen «EKSPO-2017–álem kórmesine saıahat» sándik qoldanbaly qolóner sheberleri men Jaıyq óńiri sýretshileriniń kórmesi uıqas keledi.
Dástúrli túrde Astana qalasynda batysqazaqstandyq ártisterdiń 1 tamyz kúni Báıterek monýmentiniń alańynda Ǵ.Qurmanǵalıev atyndaǵy oblystyq fılarmonıanyń Dáýletkereı atyndaǵy qazaq ult aspaptar orkestriniń konserti nazarlaryńyzǵa usynylmaq.
2 tamyz kúni «Kazmedıa ortalyǵynyń» sahnasynda Oral qalasy óner ujymdarynyń konserti uıymdastyrylyp, al kongres-hollda astanalyqtar oblystyq estradalyq-sımfonıalyq orkestriniń konsertin tamashalaı alady.
Onymen qosa, halyq nazaryna etnoaýyldaǵy etnofolklorlyq ujymdardyń, «Oral sazy» fólklorlyq-etnografıalyq ansambli men «Nazerke» halyq bı ansambliniń konsertteri sózsiz iligeri anyq.
3-4 tamyz kúnderi Astana ıpodromynda kókpar, teńge ilý, aýdaryspaq, jamby atý jáne t.b. ulttyq sport túrleri boıynsha jarystar ótedi.
Sonymen birge, EKSPO-2017 alańynda Batys Qazaqstan oblysynyń áleýmettik-ekonomıkalyq, mádenı salasyndaǵy jetistikteri tanystyrylyp, bıznes ókilderimen kezdesý barysynda iskerlik qarym-qatynas ornatý maqsatynda kelisimsharttarǵa qol qoıý josparlanýda.
4 tamyz kúni EKSPO alańyndaǵy amfıteatrda Jaıyq óńiriniń shyǵarmashylyq ujymdarynyń úlken konsertinde Qazaq SSR-niń eńbek sińirgen halyq ártisi Eskendir Hasanǵalıev, mádenıet salasynyń maıtalmany Birjan Hasanǵalıev, «Ázil álemi» teatrynyń dırektory Tursynbek Qabatov jáne ánshi Dáýren Seıtjanov óner kórsetetin bolady.
