QR Premer-mınıstri Baqytjan Saǵyntaev Soltústik Qazaqstan oblysyna jumys sapary aıasynda Petropavldaǵy turǵyn úı, áleýmettik-mádenı jáne sport nysandarynyń, ınfraqurylym jáne ınjenerlik komýnıkasıalardyń qurylys barysymen tanysty dep habarlaıdy Qamshy.kz aqparat agenttigi.
Oblys ákimi Q. Aqsaqalov sport saraıyn aralaý kezinde QR Premer-mınıstri Baqytjan Saǵyntaevqa memlekettik-jekeshelik áriptestik aıasynda Sport saraıyna ákeletin Jambyl kóshesin qaıta jóndeý jumystary týraly, MJÁ tetikterin qoldaný arqyly Oqýshylar saraıy men Tenıs ortalyǵynyń qurylysyn júrgizý barysy jaıynda baıandady.
Petropavlda 2017 jyly barlyǵy 1 000-nan astam páterdi ótkizý kózdelip otyr. Qurylys salynatyn negizgi oryn retinde «Jas Órken» shaǵyn aýdany tańdaldy, ol jerde 500-den astam nysan – eski úıler men ózge de qurylystar joıylady. Bul jerde eki jyldyń ishinde 2 500 páterli 11 kóp páterli turǵyn úı, Oqýshylar saraıy men Tenıs ortalyǵy turǵyzylady.
Áýejaı perronyn keńeıtý, joldarǵa kúrdeli jóndeý jumystaryn júrgizý, kóshe shamdarynyń jelisin rekonstrýksıalaý boıynsha kólemdi jumystar atqarylýy tıis. Eki jyldyń ishinde 28 kóshe men 400 aýla aýmaǵy jóndeledi.
Budan ózge, QR Premer-mınıstri Baqytjan Saǵyntaev oblys ortalyǵyndaǵy áleýmettik-mádenı nysandar, meımanhanalar men saýda ortalyqtary bar oıyn-saýyq ortalyqtary men mádenı saýyqtyrý keshenderiniń qurylys jobalarymen tanysty.
