Elbasy tapsyrmasyna saı, Úkimet «Nurly jol» ınfraqurylymdy damytýdyń 2015-2019 jyldarǵa arnalǵan memlekettik baǵdarlamasyn» qabyldady. Bul asa aýqymdy baǵdarlama el ekonomıkasynyń 7 iri salasyn qamtyp, oǵan birneshe memlekettik organ jaýapty boldy. Elbasy eń birinshi kezekte eldegi avtomobıl, temirjol jáne áýe joldaryn damytýǵa basa nazar aýdardy.

Búgingi «1 stýdıa» tok-shoýynda osy qara joldyń kúretamyry isteptti avto jáne temirjoldardyń qurylysy jáne áýe qatynasy týraly aıtyldy.

Stýdıa qonaqtary - QR Investısıalar jáne damý mınıstri Jeńis Qasymbek, QR Parlamenti Májilisiniń depýtaty, Ekonomıkalyq reforma jáne óńirlik damý komıtetiniń tóraǵasy Nurtaı Sabılánov, ekonomıs-sarapshy Naılá Álmuhamedova,  ekonomıkalyq sholýshy Erbolat Muhamedjan.

 «Nurly jol» – memleketimiz úshin mańyzdy baǵdarlama. Tek qana tas jol emes, onyń ishinde temirjol, avıasıa salalary qamtylǵan.  Baǵdarlamanyń negizgi úsh maqsaty – ınfraqurylym salý, ıaǵnı, el óńirlerin baılanystyrý, ekinshisi – tranzıttik damý, úshinshi eń negizgi maqsaty – jańa jumys oryndaryn qurý. Osy baǵdarlama sheńberinde jol qurylystarynda búgingi kúni 75 myń adam jumys isteıdi. Bıyl bul kórsetkish 100 myńnan asatyn bolady. 2,5 jyldyń ishinde 1300 shaqyrym avtojol iske qosyldy. Sonyń arqasynda osy jyldyń bes aıynda Qytaıdan Ortalyq Azıaǵa jáne Reseıge baratyn júk kólemi eki ese artty.

4400 shaqyrym jolda qurylys jáne rekonstrýksıalaý jumystary júrip jatyr. Bul jumystar 2017-2018 jyldary aıaqtalady. Al, 2020 jylǵa deıin jalpy 7 myń shaqyrym avtojol qurylystan jáne qaıta qurýdan ótetin bolady», deıdi  baǵdarlamanyń júzege asyrylý barysy týraly mınıstr Jeńis Qasymbek.

Sondaı-aq, sala basshysy joldarda paıdalanylǵan qurylys materıaldarynyń 95 paıyzy ózimizde shyǵarylǵanyn atap ótti.