QR Ortalyq áskerı klýbynda qazaqstandyq sportshylardyń TMD elderi arasynda ótetin İİ áskerı sport oıyndaryna sońǵy daıyndyqtary ótip jatyr. Ásker qyzmetkerleri arasyndaǵy sporttyq oıyndar 24 shilde men 1 tamyz aralyǵynda Qyrǵyzstannyń Balyqshy qalasynda ótedi,  dep habarlaıdy Qamshy.kz aqparat agenttigi 24 Habar málimetine súıenip.

 Baǵdarlamaǵa sporttyń 6 túri engen. Olardyń ishinde qoıan-qoltyq urys, kir tasyn kóterý, áskerı-sporttyq kópsaıys, ofıserlik tapsyrma, komandırlik jarys jáne nysana kózdeý bar.

 QR QM OASK podpolkovnıgi Rasýl Meıirmanovtyń aıtýynsha, aldaǵy básekege qazaqstandyq sportshylar tolyq daıyn  jáne Qazaqstannyń týyn abyroımen qorǵamaq.

Qarýly kúshter komandasyna irikteý QR ásker qyzmetkerleri arasyndaǵy Spartakıada oıyndary men respýblıkalyq QR QM OASK sport kesheninde ótken chempıonattyń qorytyndysy boıynsha iriktelip alynǵan. Oqý-jattyǵý jumystarynyń barlyǵy jaqsy ótti. Endi Qyrǵyzstan jerinde sátti óner kórsetemiz degen senimdemin, – dedi R.Meıirmanov.

Eske salaıyq, 2015 jyly Máskeý qalasynda ótken TMD elderiniń áskerı sport oıyndarynda Qazaqstan quramasy jalpy komandalyq esepte ekinshi oryndy alǵan bolatyn.