Sońǵy kezderi ǵalamtorda «Qanat Golovkınmen jekpe jekke shyǵady» degen aqparat jeldeı esti. «Iá, boksta bári bolýy múmkin, Qanat pen Golovkın kezdesýi de ǵajap emes jáne Qanat eń myqty boksshy» dep pikir aıtqan Qanattyń promoýteri Nelson Lopestiń sózi qazaq arasynda «Qazaqstannyń eki myqtysy bokstasady» dep tarady.

Osy máselege baılanysty Qanat Islam myrza saıtymyzǵa óz pikirin aıtqan edi.

- Golovkın meniń qarsylasym emes, eń aldymen otandasym, tilekshim. Ekeýmizde Qazaq eliniń namysyn qorǵaýshymyz. «Ákem - orys, sheshem – káris, ózim – qazaqpyn» dep álemge jar salǵan Gena men úshin de qazaq. Al qazaqtyń atynan shyǵyp, Qazaqstannyń týyn jelbiretip júrgen dosymmen qolǵap túıistirý ol osy eldiń azamaty bolyp turǵanda esh qısyny joq áńgime dep oılaımyn. Al at jarystyrý men ataq talastyrý qasıetimde joq. Óıtsem osy kúnde Qytaıda júre berer edim. Maǵan Alash jurtynyń abyroıyn dúnıejúzine pash etýden,  kók týdy jelbiretýden asqan baqyt joq, - deıdi qazaqtyń Qanaty.

Bul týraly áriptesimiz "31" telearna jýrnalıseri de alyp-qashpa aqparattyń mán-jaıyn túsindirdi.