«Qazaqfılm» kınostýdıasynyń eki birdeı aýqymdy jobalary – «Elbasy joly. Beıbitshilik kindigi» («Pýt Lıdera. V epısentre mıra») jáne «Tumar patshaıym» atty tarıhı týyndylaryna kastıng áli de jalǵasyp jatyr dep habarlaıdy Qamshy.kz aqparat agenttigi «Qazaqfılm» kınostýdıasynyń baspasóz qyzmetine silteme jasap. Endi Qazaqstannyń Ońtústik jáne Batys oblystarynyń turǵyndary  óz baǵyn synap,  kıno juldyzyna aınalýyna múmkindikteri bar. Kastıngke 16 jastan joǵary barlyq qazaqstandyq qatysa alady.

Esterińizge sala ketsek, ústimizdegi jyldyń maýsym aıynda jumys ataýy «Elbasy joly. Beıbitshilik kindigi» jáne «Tumar patshaıym» atty kınojobalarǵa akterler arasynda respýblıkalyq kastıng jarıalanǵan.

Bul fılmderdi QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ «Sataifilm» kınokompanıasymen birlesip túsirgeli otyr. Qoıýshy rejıseri Aqan Sataev.

Aıta ketsek, atalǵan fılmderge kastıng Qazaqstannyń shyǵys óńirlerinde – Semeı, Pavlodar, Óskemen qalalarynda ótkizilgen. Jaqyn kúnderi kastıng tómendegi qalalarda ótkiziledi:

Qostanaı qalasy – 14 jáne 15 tamyzda, İ.Omarov atyndaǵy oblystyq  qazaq drama teatrynda (Taran kósh., 144).

Aqtóbe qalasy – 17 jáne 18 tamyzda, T.Aqtanov atyndaǵy qazaq drama teatrynda (T.Aqtanov kósh., 52).

Oral qalasy – 20 jáne 21 tamyzda, Batys Qazaqstan oblystyq qazaq drama teatry (Dostyq dańǵ., 185).

Atyraý qalasy – 23 jáne 24 tamyzda, N.Jantórın atyndaǵy Atyraý oblystyq fılarmonıasy (M.Ótemisov kósh., 115).

Aqtaý qalasynda – 26 jáne 27 tamyzda, M.Óskenbaev atyndaǵy Mańǵystaý oblystyq fılarmonıasy (5 yqsham-aýdany, 30 úı).

Qyzylorda qalasy – 29 jáne 30 tamyzda, A.Toqmaǵanbetov atyndaǵy Mádenıet úıi (Qazybek bı kósh., 21).

Taraz qalasy  – 1 jáne 2 qyrkúıek, Jambyl oblystyq qazaq drama teatry (Abaı dańǵ., 115).

Shymkent qalasy – 4, 5 jáne 6 qyrkúıek, J.Shanın atyndaǵy oblystyq qazaq drama teatry («Nursat» yqshamaýdany, Astana dańǵ.).

Teatr jáne kıno akterleri birinshi bolyp qabyldanady.

Kastıngke qatysam deýshiler kórsetilgen meken-jaıǵa saǵat 9:00-18:00 aralyǵynda kelýi tıis (13:00-14:00 úzilis).

Qoıylatyn talaptar:

Jasy: 16 jastan joǵary ( 16 jasqa deıingi balalar jáne kastıngke kelip qatysa almaıtyndar, casting_satai@mail.ru  elektrondy poshtaǵa kelesi aqparattardy joldaı alady: 1. Jaqynnan (anfas jáne profıl), belge deıin jáne basynan aıaǵyna deıin túsirilgen bet boıaýsyz, kózildiriksiz jáne óńdelmegen fotosýretterdi; 2. Týǵan jylyńyz ben turatyn qalańyz, boıyńyz ben salmaǵyńyz, ultyńyz ben bilimińiz, jumys orny men mamandyǵyńyz týraly, sonymen qatar, qandaı sport túrimen aınalysatynyńyz, kınodaǵy tájirıbeńiz (serıaldar men beıneklıpter), mýzykalyq nemese bı ónerińiz týraly aqparaty bar anketany toltyrasyz.

Nazar aýdaryńyz! Ózińizben baılanysý úshin telefon nómirińizdi jazyp jiberýińiz kerek.

Ulty: barlyq ulttar

Sporttyq dene bitimdi, jasyl nemese kók kózdi, shashtary sarǵysh adamdar erekshe suranysta.