2017 jyldyń 17 tamyzynda, saǵat 19:00-de «Han Shatyr» oıyn-saýyq ortalyǵynda «STEPPE FIGHTERS» atty kıkboksıńten tórtinshi reıtıńilik kásipqoı jekpe-jekke baılanysty salmaq ólsheý rásimi ótedi. Bul sharaǵa Qazaqstannan basqa, Ózbekstan, Ýkraına jáne Iran elderinen kelgen sportshylar qatyspaq. Salmaq ólsheý keshinde Astana qalasynyń turǵyndary men qala qonaqtary Temirlan Ihsanǵalıev, Arhat Myńbaev, Júsip Sábıt, Shyńǵys Qaıranov, Dáýren Ermekov, (Qazaqstan), Sorroko Maksım (Harkov, Ýkraına), Mazıar Iarı (Iran), Halıev Berdah (Qaraqalpaqstan, Ózbekstan), Hýjaev Shýkýr (Ózbekstan), Artem Shokolo (Harkov, Ýkraına) sıaqty sportshylarmen tanysyp,  olardyń daıyndyq barysyn tamashalaıtyn bolady.

Al, 18 tamyz kúni saǵat 19:00-de «Qazaqstan» sport kesheninde tórtinshi reıtıńilik kásipqoı jekpe-jekteri ótedi. 

Aıta ketsek, jyl sońyna deıin sportshylardyń arasynan ózara myqtyny anyqtap, fınaldan ótken eń myqty sportshyǵa «STEPPE FIGHTERS» belbeýi beriledi.  Bul jekpe-jektiń basty maqsaty – qazirgi kúnniń qazaq  batyrlary men Qazaqstandy álemge tanytý. 

«STEPPE FIGHTERS» (Uly dala qaharmandary) jekpe-jeginiń bas aqparttyq demeýshisi «Qazaqstan» RTRK» AQ-nyń quramyndaǵy «Kazsport» telearnasy.