Ortalyq komýnıkasıa qyzmetiniń (OKQ) basshysy Artýr Nyǵmetov qyzmetinen ketti dep habarlaıdy Qamshy.kz aqparat agenttigi. Bul jaıynda QR Aqparat mınıstri Dáýren Abaev óziniń áleýmettik jelidegi jeke paraqshasynda málimdedi.

«Búgin OQK basshysy Artýr Nyǵmetovpen áńgime barysynda óziniń aldaǵy ýaqyttarǵa arnalǵan josparyn aıtyp, shetelge oqýǵa ketýge nıettenip júrgendigin jetkizdi. Artýrdyń bul sheshimin qup kórip, oǵan qoldaý kórsetýge qajet dep taptym.

Az ǵana ýaqyttyń ishinde Artýr Nyǵmetov Ortalyq Komýnıkasıa qyzmetiniń jumysyn ilgeri damytyp, BAQ ókilderimen ózara kelisimge kelip, jumysyn jaqsy atqara bildi.

"Artýrǵa úlken alǵys bildirip, aldyna qoıǵan maqsatyna jetip, sáttilik tilegim keledi", –  dep jazady Dáýren Abaev.

Aıta keter bolsaq, Artýr Nyǵmetov OKQ basshylyǵyna 2017 jyldyń mamyr aıynda kelgen bolatyn. 2015 jyly ol – Almaty ákiminiń baspasóz hatshysy qyzmetin atqaryp, sol jyldyń 21 qyrkúıeginde ol qyzmetinen de ketken. OKQ basshylyǵyna kelmes buryn ol – Qyzylorda oblysy ákiminiń keńesshisi bolǵan.