Sınoptıkter demalys kúnderine arnalǵan aýa-raıy boljamyn aıtty dep habarlaıdy Qamshy.kz aqparat agenttigi Kazgıdrometke silteme jasaı otyryp.

Sınoptıkterdiń málimetinshe, elimizde aldaǵy kúnderi aýa temperatýrasy tómendeıdi.

Bıiktik barometrlik oıpattar Taımyr aýdandarynan Qazaqstanǵa ylǵaldy jáne salqyn aýa alyp keledi. Osynyń áserinen respýblıkanyń kóptegen bólikterinde aýa temperatýrasy tómendeıdi, sondaı-aq keı jerlerde jańbyr jaýyp, kún kúrkireıdi, keıbir aýdandarda tuman, burshaq jáne ekpindi jel bolýy múmkin. Temperatýralyq fon soltústik, ortalyq jáne shyǵys aımaqtarda túnde 2-12 gradýsqa deıin tómendeıdi, al kúndiz 15-25 ten 20-30 gradýsqa deıin birtindep joǵarylaıdy.

Shyǵys Qazaqstan oblysy boıynsha 12 tamyzda jańbyr, naızaǵaı, burshaq, daýyl, jel ekpini 23-28 m/s-qa deıin kúsheıedi. Sondaı-aq, Óskemen qalasy boıynsha 12 tamyzda túnde jel 15-20 m/s-qa kúsheıetini aıtylady. Al 12 tamyzda Qostanaı oblysynyń keı jerlerinde naızaǵaı, jel bolýy múmkin.