Túrkıanyń SİM Mevlút Chavýshoglý Ankara AQSH pen EO-nyń Reseıge qarsy salynǵan sanksıalaryna qoldaý bildirmeıtindigin aıtty. Sebebi olar Túrkıanyń ekonomıkasyna edáýir keri áserin tıgizedi dep habarlaıdy Qamshy.kz aqparat agenttigi Rıa novostı saıtyna silteme jasap.

«Túrkıa eli de sanksıanyń saldarynan biraz japa shekken. Bizdiń kórshi ári seriktes elimizge salynǵan sanksıalar Túrkıanyń ekonomıkasyna biraz keri áserin tıgizedi. Sol sebepti de biz ol sanksıalarǵa túbegeıli qarsymyz. Máseleniń ózge de sheshimin tabýǵa tyrysamyz. Sondyqtan da biz Reseıge qarsy salynǵan sanksıalarǵa qoldaý bildirmeı, saıası sheshimdi quptaımyz», – deıdi Chavoshýglý.

«Reseı men AQSH bir-birine qarsy sanksıalar salýda, al EO AQSH-qa qarsy qandaı da bir shara qoldanbaq, sebebi amerıkalyq sanksıalar EO-ǵa da keri áserin tıgizýde. Túrkıanyń ekonomıkasy quldyramas úshin barlyǵyn beıbit jolmen sheshýge tyrysamyz», – dep qosa aıtyp ótti mınıstr.