Ońtústik Qazaqstan oblysynda iri jol-kólik apatynan úsh adam mert boldy. Qaıǵyly jaǵdaı juma kúni saǵat 08:00-der shamasynda Badam eldi mekenniń mańynda bolǵan dep habarlaıdy OQO İİD memlekettik til jáne aqparat basqarmasynyń baspasóz hatshylyǵyna silteme jasap Qamshy.kz aqparat agenttigi.
1991 jyly týǵan azamat ózi basqaryp kele jatqan «Hovo» aýyr júk kóligimen qarsy baǵytqa shyǵyp ketip, VAZ-21070 markaly jeńil mashınasymen soqtyǵysqan. Saldarynan 1985 jyly týǵan jeńil kólik júrgizýshisi men 1960 jáne 1984 jyldardaǵy eki jolaýshy oqıǵa ornynda til qatpaı ketken. VAZ mashınasynyń ishinde bolǵan taǵy eki jolaýshy – 1987 jáne 1992 jyldary týǵan azamattar ártúrli dene jaraqattarymen jedel járdem aýrýhanasyna jetkizilgen.
