Jambyl oblysyndaǵy polıseılerdiń qatysýymen tóbeles oryn alǵan. Oqıǵa beınelengen vıdeo áleýmettik jelide keń taralyp ketken dep habarlaıdy Qamshy.kz aqparat agenttigi.  Juma kúni "VKontakte" jelisindegi "Sen úshin, Báke" qaýymdastyǵynyń paraqshasynda atalmysh vıdeo jarıalandy. 

Budan buryn Qazaqstan ishki ister mınıstrliginiń baspasóz qyzmeti habarlaǵandaı, 10 tamyz kúni túnde birigip ishimdik ishken soń burynǵy polısıa qyzmetkeri Jetpisbaev M. J., Jambyl oblysy İshki ister departamenti basqarma basshylary  Úmbetálıev M. I. jáne Bekturǵanov E. O. arasynda kıkiljiń týyndap, arty tóbeleske ákelip soqqan.

Atalǵan derek boıynsha "Qastandyq jasaý" babyna sáıkes sotqa deıingi tergeý bastaldy. Mınıstrlik atap ótkendeı, Bekturǵanov ýaqytsha ustaý ızolátoryna qamaldy, qazir Úmbetálıevti ustaý boıynsha sharalar qoldanylyp jatyr.
Sońǵy málimetter boıynsha, Úmbetalıevtiń jubaıy ony quqyq qorǵaý organdaryna óz erkimen berilýin surap otyr.