Barak Obama saıasatqa qaıta oralýy múmkin, dep jazady Qamshy.kz aqparat agenttig. Bl týraly jergilikti The Hill basylymy habarlady. Basylym tilshileriniń málimetine súıensek, AQSH-tyń eks-basshysy qurama shtattardaǵy demokrattardyń yqpalyn qaıta qalpyna keltirý úshin el saıasatyna syrttaı aralasatyn bolady.

Obamanyń oralýy barynsha uqyptylyqpen júzege asatyn bolady. Tilshiler arasynda taraǵan aqparatqa qaraǵanda, Barak Obama Donald Tramp prezıdent bolǵaly bedelderinen aıyrylǵan demokrattardyń yqpalyn qaıta ósirýdi maqsat etedi. Jalpy, Obama partıalar arasyndaǵy qarjy jumystarymen aınalysatyn bolady.

Sondaı-aq, basylymnyń habarlaýynsha, demokrattar Obamany partıa basyshysy etýdi kózdemeıtin kórinedi. Saıası kúreske aralasqanymen, onyń atqarǵan isi jurtshylyqtyń nazarynan tys qalady.

«Prezıdent taǵynan ketse de, Obamanyń bedeli amerıkalyqtar úshin joǵary bolyp qala bermek. Ári reıtıń kórsetkishi Donald Trampqa qaraǵanda joǵary paıyzdy kórsetti», - delingen basylym habarlamasynda.

Barak Obama basshylyqtan ketken soń, otbasymen Fransıa jáne Italııany aralýǵa shyqqan. Demalys barysynda óziniń saıası mansaby týrasynda estelikter jazýǵa kirisken.