Qazaqstan men Qyrǵyzstan shekarasynda atys boldy dep habarlaıdy Qamshy.kz aqparat agenttigi QR UQK baspasóz qyzmetine silteme jasap. Sonyń nátıjesinde shabýyldaýshylardyń biri jaralandy. Belgili bolǵandaı ol – Qazaqstan azamaty.
«Qazaqstan shekarasynan zańsyz ótpek bolǵandar – Qazaqstan azamattary. Kóz jumǵan adam da –Qazaqstan azamaty» dep «Informbúro»-ǵa vedomstva baspasóz qyzmeti habarlady.
UQK-da zań buzýshylardyń Qyrǵyzstan terıtorıasyna kirýge talpynǵany aıtylady.
Oqıǵa 12 tamyzda Jambyl oblysyndaǵy Qazaqstan men Qyrǵyzstannyń shekarasynda bolǵan. 15 adam shekaradan zańsyz ótýge talpynǵan. Olardyń kim ekeni áli anyqtalǵan joq. Zań buzýshylar shekarashylardyń eskertýin tyńdamaǵan. Sondyqtan olar atýǵa májbúr boldy.
«Atystyń nátıjesinde shabýyldaýshylardyń biri jaralandy. Qalǵandary jaraly adamdy kóterip, Qazaqstandaǵy jaqyn mańdaǵy aýylǵa qashyp ketken. Jaralanǵan adamnyń kóz jumǵany belgili boldy» delingen habarlamada.
Qazir basqa da zań buzýshylar izdestirilýde.
