Áleýmettik jelide taralǵan myna vıdeodaǵy eki balaqaıdyń is-áreketine jurt súısine qarap, túrlishe pikir bildirýde dep habarlaıdy Qamshy.kz aqparat agenttigi.

Farabı esimdi mektep oqýshysy orys tilin úırený maqsatynda óziniń kórshisi Artem degen balamen dos bolǵan. Alaıda, ýaqyt óte kele jaǵdaı múldem basqasha bolǵan. Oryssha úırenemin dep júrgen Farabı óziniń dosy Artemǵa qazaqsha úıretip, máseleniń basqa sheshimin taýypty.

«Qazaq tilin bilmeıtin qazaqtarǵa ne aıtasyń?» degen suraqqa Artem: «Qazaq tilin bilmeıtin qazaqtarǵa «Uıat-aı» deımin», –  dep jaýap bergen.

Rasymen de, kishkentaı balaqaılardyń bul is-áreketi qazirgi tańda eresek adamdardyń kópshiligine, qala berdi, bılik basynda otyrǵan birshama shendi, laýazymdy qyzmetkerlerge úlgi bolarlyqtaı jaǵdaı eken.

"Qazirgi tańda orys tilin bilmesem, ómir súre almaımyn" degen artyq oıdy múldem umytyp, máselege basqa qyrynan qaraýdy úırengenimiz jón sekildi.