Polıseıler aýdandyq sýdıanyń úıinen 20 mıllıon teńgeni quraıtyn zattardy urlaǵan Almaty oblysy turǵynyn ustady dep habarlaıdy Qamshy.kz aqparat agenttigi Almaty oblystyq İİD baspasóz qyzmetine silteme jasap.

3 shilde de Qaratal aýdandyq polısıa bólimshesine Sarybulaq aýylynda ornalasqan úıde aqsha men áshekeıler urlanǵany týraly shaǵym tústi. Belgili bolǵandaı, shyǵyn 19 343 000 teńgeni qurady.

Polıseıler urlyq bolǵan jerdi tekserý barysynda urynyń tereze arqyly kirip, seıfti buzǵany anyqtaldy. Onda aqsha men áshekeı buıymdar bolǵan.

Qaratal aýdandyq polısıa qyzmetkerleri İİD birlesip urlyq jasady degen kúdikpen 30 jastaǵy kórshi aýdannyń turǵynyn ustady.

«Kúdikti Tekelidegi jaldamaly páterde ustaldy. Ol óz kinásin moıyndady. Tergeý kezinde urlanǵan áshekeıler Almaty qalasynda ekenin aıtty», –  dedi İİD-de.

QR QK 188-baby boıynsha qylmystyq is qozǵaldy. Kúdikti qamaýǵa alyndy.