Qazaqstandaǵy ınklúzıvti bilim berýdiń normatıvtik-quqyqtyq bazasynyń negizgi bas postýlatynda – bilim alýshynyń bilim berý qajettilikterine jáne jeke erekshelikterine bilim berý ortasyn beıimdeýdi qamtamasyz etetin pedagogıkalyq kózqaras negizinde barlyq bilim alýshylardyń turatyn jeri boıynsha teń bilim berýdi qamtamasyz etýge negizdelgen dep habarlaıdy Qamshy.kz aqparat agenttigi Bilim jáne ǵylym mınıstrliginiń baspasóz qyzmetine silteme jasap.
Bilim berýdi jáne ǵylymdy damytýdyń 2016 - 2019 jyldarǵa arnalǵan memlekettik baǵdarlamanyń (budan ári – BǴDMB) basty maqsattarynyń biri sapaly bilimge teń qoljetimdilikti qamtamasyz etý bolyp tabylady. BǴDMB-ny iske asyrý boıynsha is-sharalar josparynda erekshe bilim berý qajettilikterine ıe balalarǵa jaǵdaı jasaý boıynsha jergilikti atqarýshy organdardyń kórsetkishteri engizilgen.
Qazirgi tańda 3500-den astam (44,7%) jalpy bilim beretin mektepterde erekshe bilim berý qajettilikterine ıe balalarǵa bilim alý úshin jaǵdaılar jasalǵan. 2020 jylǵa deıin mektepterdiń 70%-ynda ınklúzıvti bilim berýge jaǵdaı jasaý josparlanǵan.
QR Úkimetiniń qoldaýymen BǴDMB-da 2018 jyldan bastap bilim berý uıymdarynyń shtattyq kestesine mektepte erekshe bilim berý qajettilikteri bar balalardy súıemeldeýshi pedagog-assıstenttiń shtattyq birligin engizý qarastyrylǵan. Aldyn ala boljam boıynsha shamamen 1219-ǵa jýyq pedagog-assıstentter (túterler) tartylatyn bolady.
Atalǵan is-sharalar erekshe bilim berý qajettilikteri bar balalardy sapaly áleýmettendirýdi qamtamasyz ete otyryp, mektep ortasynda súıemeldeýdi iske asyrýǵa múmkindik beredi.
«Múgedek jastar qoǵamy» qoǵamdyq birlestigi tirek-qımyl apparatynyń múgedektigi bar (budan ári –BTA) balalar men jasóspirimderge arnaıy qyzmet kórsetý boıynsha joba ázirlegen.
Pılottyq joba BTA balalary men jasóspirimderge ınklúzıvti bilim berýge qoljetimdiligin qamtamasyz etip, olardyń qoǵamda áleýmettendirilýine múmkindik beredi.
Jobanyń maqsaty erekshe bilim berý qajettilikteri bar balalar men jastardy oqý prosesinde túterlermen qamtamasyz etý, olardyń qoǵamǵa beıimdelýine jáne barlyq deńgeıde bilim alý múmkindikterin qarastyrady.
Atalǵan jobany iske asyrý úshin jergilikti atqarýshy organdar tarapynan qoldaý qajet.
Erekshe bilim berý qajettilikteri bar balalar men jasóspirimderdi qoǵamda áleýmettendirýdi júzege asyrý baǵytyndaǵy birlesken jumystar aldaǵy ýaqytta da Mınıstrliktiń ÚEU-men qarym-qatynasynda óziniń jalǵasyn tabady.
