Ortalyq komýnıkasıalar qyzmetinde Qaraǵandy jáne Atyraý qalalarynda ótkiziletin apattyq-qutqarý jattyǵýyna arnalǵan baspasóz konferensıa uıymdastyryldy dep habarlaıdy Qamshy.kz aqparat agenttigi.
Baspasóz konferensıaǵa QR IDM «Kásibı áskerılendirilgen avarıalyq-qutqarý qyzmeti» RMK bas dırektorynyń m.a. general-maıor Dıhanbek Janqorazuly SATYLǴANOV, bas dırektorynyń orynbasary Qanat Áskerbekuly AMANOV, Taý-ken jáne kómir salasynyń jedel aldyn alý jumystary jónindegi basqarma bastyǵy Sergeı Vasılevıch KRYSIN, Munaı-gaz jáne hımıa salasy jedel-aldyn alý jumystary jónindegi basqarma bastyǵy Murat Dýlatuly QALITOV qatysty.
2017 jylǵy 21 tamyzdan 25 tamyz aralyǵynda «KÁAQQ» RMK Qaraǵandy fılıalynyń oqý-jattyǵý polıgonynda taýken jáne kómir salasyndaǵy «İV etapty taýken-qutqarý boıynsha kópsaıysty jarys» ótedi. Bul jarysqa Shyǵys Qazaqstan, Pavlodar, Jambyl, Aqtóbe, Qostanaı, Qaraǵandy oblystarynyń qutqarýshylary kelip qatysady.
- Oqý-jattyǵýdyń basty maqsaty jedel quramnyń avarıalyq-qutqarý operasıalarynyń ádisterin júrgizý jáne óńdeý tásilderi arqyly avarıalyq-qutqarý jumystaryn júrgizýde daıyndyq deńgeıin kóterý, tehnogendik sıpattaǵy iri aýqymdy avarıalardy joıý kezinde jedel toptardyń ózara is-áreketter jasaý, sondaı-aq qutqarýshylardyń jattyǵýlaryn daıyndaý, - dep atap ótti Dıhanbek SATYLǴANOV.
Óz sózinde Dıhanbek Satylǵanov jedel den qoıý shtattan tys jaǵdaıdaǵy jáne kez kelgen kúrdeli avarıany joıý jumystaryna únemi táýlik boıy ázirlikte 2800-den astam joǵary bilikti kásibı qutqarýshylary, 600 birlik avarıalyq-qutqarý tehnıkalary, 6700 birlik arnaıy jabdyqtary taǵaıyndalǵandyǵyn aıtty.
Baspasóz konferensıa barysyndaǵy baıandamasynda Sergeı KRYSIN, jarys shyn mánindegi barynsha aqıqatqa jýyq shartty maǵynada ótetindigin tolyqtyryp aıtty. Jarys baǵdarlamasyna: shahtaǵa túsýge daıyndyq jáne gazdalǵan ortadan, bólinip shyqqan gazdalǵan qazba qozǵalsynan ketý is-sharalary kiredi.
2017 jylǵy 28 qyrkúıekten 30 qyrkúıek aralyǵynda, sondaı-aq Atyraý qalasynda munaı gaz jáne hımıa salasyndaǵy «Atqylama-2017» arnaıy-taktıkalyq aýmaqtyq jattyǵý» «KÁAQQ» RMK Atyraý fılıalynyń oqý-jattyǵý polıgonynda ótedi. Arnaıy-taktıkalyq aýmaqtyq jattyǵýyna Aqtóbe, Atyraý, Batys Qazaqstan, Mańǵystaý obylystarynan komandalar kelip qatysady. Jattyǵý mynadaı birneshe etaptardy: munaı-gaz salasynyń qaýipti óndiristik obektilerindegi túrli tehnogendik avarıalardy joıý úshin qajetti kúsh pen quraldaryn kórsetýde jedel toptyń kórneki óner kórsetýin; qutqarýshylardyń teorıalyq bilimderi men dene daıarlyqtaryn tekserý; apatty joıýdaǵy praktıkalyq operasıalardy qamtıdy.
- Budan basqa, jattyǵý aıasynda avarıalyq-qutqarý jabdyqtary men bólimshelerdiń atqylamaǵa qarsy tehnıkalarynyń kórmesi kórsetiletin bolady,- dedi Munaı-gaz jáne hımıa salasy jedel-aldyn alý jumystary jónindegi basqarma bastyǵy Murat Dýlatuly QALITOV.
