Qapshaǵaıǵa jaqyn mańda adamdy kólikpen urlap áketpek bolǵan tórt er adam ustaldy, dep habarlaıdy Qamshy.kz aqparat agenttigi Almaty oblysy ishki ister departamentiniń baspasóz qyzmetine silteme jasap.
15 tamyzǵa qaraǵan túni jol-patrýldik polısıa qyzmetkerleri Almaty-Óskemen tas jolynda Daewoo Nexia kóligin toqtatady. Júrgizýshiniń áreketi bir túrli kóringen soń, polıseıler kólikti tekserip, júk salǵyshtan soqqyǵa jyǵylǵan er adamdy tabady. Qosymsha kúsh shaqyryp, patrúldik polıseıler tórt adamdy ustaıdy da, Qapshaǵaı İİB-ne jetkizedi.
"Ustalǵandar Jambyl oblysynda turady, Almatyda jaldamaly jumyspen aınalysady eken. Zardap shegýshi 25 jastaǵy Baqanas aýylynyń turǵyny, ol ustalǵandardyń tanysy bolyp shyqty. Olar jigitti urlyq jasady dep kúdiktengen. Iaǵnı, ustalǵandar jábirlenýshini júksalǵyshqa salyp, Almatydan alyp ketip, ári qaraı máseleniń basyn ashpaq bolǵan", — dep túsindirdi baspasóz qyzmetinde.
Ustalǵandar qamaýǵa alynyp, qylmystyq is qozǵaldy.
