Búgin matematıkadan XVII Batys Qytaı olımpıadasynyń jabylý saltanaty ótti. Atalmysh olımpıada 11-16 tamyz aralyǵynda QHR-dyń Sychýan eldi mekenine qarasty Nanchýn qalasynda ótti dep habarlaıdy Qamshy.kz aqparat agenttigi Astana ákimdiginiń baspasóz qyzmetine silteme jasaı otyryp.
Olımpıadaǵa Qytaı, Indonezıa, Fılıppın, Sıngapýr jáne Qazaqstan elderinen 345 jas matematık qatysty. Qazaqstannyń qurama komandasy atynan daryndy balalarǵa arnalǵan mamandandyrylǵan mekteptiń 4 oqýshysy qatysty.
Olımpıada qorytyndysy boıynsha, Astana qurama komandasynyń qorjynynda 4 altyn medal bar. Altyn medalǵa ıe bolǵandardyń biri – Astana q. «Bilim-ınnovasıa» lıseı-ınternatynyń 10-synyp oqýshysy Qudaıbergen Álıhan jarys barysynda bárinen ozyp, joǵary nátıje kórsetti.
