Búgin, 30 tamyz – Konstıtýsıa kúni. Osydan 22 jyl buryn Qazaqstan halqy tarıhı sheshim qabyldap, jasampaz jańa dáýirge qadam basqan edi. 1995 jyldyń 30 tamyzynda búkilhalyqtyq referendým arqyly táýelsiz Qazaqstannyń Ata Zańy qabyldanǵan bolatyn. Sodan beri táýelsizdigimizdiń tiregine aınalǵan Konstıtýsıa memlekettegi barlyq saıası-ekonomıkalyq, áleýmettik reformalardyń ilgeri basýyna, damýdyń qaınar bastaýyna aınaldy. Bul – táýelsiz Qazaqstannyń ekinshi konstıtýsıasy. Alǵashqysy 1993 jyly qabyldandy. Ata Zań memlekettik qurylystyń quqyqtyq negizin qalyptastyrýshy qujat bolyp tabylady. Azamattardyń konstıtýsıalyq quqyqtary men bostandyqtaryn buzýǵa jol berilmeıdi.
Konstıtýsıa memlekettik qurylystyń quqyqtyq negizin qalyptastyrýshy qujat bolyp tabylady. Ol memlekettilik tetik, qoǵamdyq, saıası ınstıtýttar retinde qyzmettiń negizi bolarlyq prınsıpterin ornyqtyrdy, adam men azamattyń konstıtýsıalyq mártebesin belgiledi, ekonomıkalyq qurylystyń negizderin aıqyndady.