Túrik armıasy Sırıanyń Afrın qalasynyń kóshelerinde raketalyq soqqy jasap, oq jaýdyrdy. Saldarynan 10 shaqty turǵyn zardap shekken dep habarlaıdy Qamshy.kz aqparat agenttigi Rıa novostı saıtyna silteme jasap. Bul jaıynda Afrındaǵy kúrd saıasatkeri Rezan Hedý aıtyp berdi.

«Búgin Afrın qalasyndaǵy kósheler Túrkıa tarapynan úlken apatqa ushyrady. Qarapaıym halyqtyń úıleri qırap, on shaqty adam jaraqat aldy, olardyń qatarynda 11 jastaǵy qyz da bar», – deıdi Hedý.

Saıasatkerdiń aıtýynsha, atys adamdardyń kópshiligi kele jatqan Qurban aıt merekesine oraı bazarlap júrgen ýaqytta oryn alǵan. Sonymen qatar, qala syrtynda atys áli tolastamaı, jalǵasyp jatqandyǵyn da aıtyp ótti.

Sırıalyq kúrdtterdiń ókiliniń aıtýynsha, mundaı oqıǵa birinshi ret oryn alyp jatqan joq. Qalada kóshelerinde atys jıi bolyp turady, onyń jalǵasyp kele jatqandyǵyna bir jyldan astam ýaqyt bolǵan. Alaıda Túrik artılerıasynyń búgingi shabýyly óte qarqyndy bolyp ári uzaq ýaqytqa deıin sozylǵan.

«Túrikter búgingi atyspen orystar men kúrdter arasyndaǵy ózara yntymaqtastyqty joıǵysy keledi. Al orystar ózderiniń áskerı polısıasyn tartyp, Alepponyń soltústiginde de turaqtylyqtyń kepili bolǵysy keledi», – dep qosa aıtyp ótti Hedý.

Sırıanyń soltústik-batysynda ornalasqan Afrın qalasy 2012 jyldan beri kúrdterdiń qaramaǵynda bolyp tabylady.