Brazılıada 13 jastaǵy jasóspirim adam óltirý qandaı ekenin bilý úshin óziniń synyptasyn baýyzdap tastaǵan. Alaıda ol qylmysyn jasap bolǵannan keıin qatty qorqyp, barlyq mán-jaıdy muǵalimine aıtyp bergen dep habarlaıdy Qamshy.kz aqparat agenttigi Life.ru saıtyna silteme jasaı otyryp.

Oqıǵa eki oqýshy birge turatyn úıde oryn alǵan. Qylmyskerdiń synyptasy Tamıres Paýla de Almeıda esimdi boıjetken lıft kútip turǵan kezde 13 jastaǵy jasóspirim ony órt jaǵdaıynda shyǵatyn baspaldaqtarǵa súırep alyp kelgen. Ol qyzdy basyn qabyrǵaǵa uryp óltirmek bolǵan, alaıda bul oıy iske aspapty. Tamırestiń áli tiri ekenin kórgen bala pyshaqty alyp, moıyn, kókirek jáne qoltyǵynyń tusynan 10 ret pyshaqtaǵan. Kórshiler qyz balanyń aıqaıyn estigennen soń dereý daýys shyǵyp jatqan jerge kelip, qyzdyń máıitin taýyp alǵan. Olardyń ishinde qyzdyń anasy da bolǵan.

Jasóspirimmen tergeý júrgizgen polısıa qyzmetkerleriniń aıtýynsha, ol adam óltirgende qandaı sezimdi bastan keshiretindigin bilý úshin óltirgen. Sonymen qatar, qyzdyń ólimine ózge synyptastary qalaı qaraıtyndyǵyn da bilgisi kelgen eken. Jas qylmysker taǵy da eki-úsh synyptastaryn óltirip, baskeser bolǵysy kelgen eken. Alaıda bolǵan oqıǵadan soń ol qorqyp, barlyq mán-jaıdy muǵalimine aıtyp beripti.

«Beti qyzaryp ketken, aıaq-qoly dirildep turdy. Ol jedel járdem shaqyrýymdy ótinip, óz úıinde bir qyzdy pyshaqtap tastaǵanyn aıtty. Keıinnen qan-qan mataǵa oralǵan pyshaqty meniń qolyma ustatty», – deıdi muǵalim.