Túrkıa prezıdenti Rejep Taıyp Erdoǵan BUU bas hatshysy Antonıo Gýterrıshpen Mánmadaǵy gýmanıtarlyq daǵdarys máselesin talqylady dep habarlaıdy Qamshy.kz aqparat agenttigi kazislam.kz-ke silteme jasaı otyryp.

Telefon arqyly tildesý kezinde Túrkıa prezıdenti Mánmanyń Arakan shtatynda qalyptasqan jaǵdaıǵa BUU men halyqaralyq qaýymdastyqtardyń ýaqtyly yqpal etip, aralasýy atalǵan aımaqtaǵy ahýaldyń rettelýi úshin asa mańyzdy ekenin atap ótti.

Erdoǵan Arakan shtatyndaǵy azshylyq qaýymdy quraıtyn rohınályq musylmandarǵa qarsy jasalyp otyrǵan zorlyq-zombylyqtardy toqtatý úshin Mánma bıligine yqpal etýdiń barlyq mehanızmderin qoldanýǵa shaqyrdy. Ol óz sózinde Arakan aımaǵyndaǵy ahýaldy retteý úshin Túrkıa tarapy qajetti barlyq gýmanıtarlyq kómekti kórsetýge, azyq-túlikpen qamtamasyz etýge daıyn ekenin jetkizdi.

Eske sala ketsek, buǵan deıin Musylman-rohınályqtardyń Eýropalyq keńesiniń (ERC) baspasóz hatshysy Anıta Shýg Mánmada sońǵy úsh táýlik ishinde áskerılerdiń shabýyly saldarynan 2-3 myńǵa jýyq musylman kóz jumǵanyn málimdedi.