Búgin Palata Spıkeri Nurlan Nyǵmatýlınniń tóraǵalyǵymen Májilistiń Búro otyrysynyń úshinshi parlamenttik sesıasynyń birinshi otyrysy ótti.
Parlament sesıasynyń ashylýynda Elbasy belgilegen zańnamalyq basymdyqtardy basshylyqqa alyp, birqatar máseleler talqylandy, dep habarlaıdy Qamshy.kz aqparat agenttigi palatanyń baspasóz qyzmetine silteme jasap.
Palatanyń aldaǵy ýaqytta ótetin otyrysynda Májiliske kelip túsken jańa zań jobalarynyń qorytyndylaryn daıyndaý merzimin anyqtaý usynyldy. Bular «2018-2020 jyldarǵa arnalǵan respýblıkalyq búdjet týraly» jáne «Qazaqstan Respýblıkasynyń Ulttyq qorynan 2018-2020 jyldarǵa arnalǵan kepildendirilgen transfert týraly» qarjylyq zańdar jobasy. Osy qatarda «Qazaqstan Respýblıkasyndaǵy kedendik retteý týraly» Kodeksiniń jobasy jáne ilespe túzetýler.
Sondaı-aq, Májiliske kelip túsken turǵyn úı qatynastary máseleleri boıynsha jańa zań jobasy, ákimshilik quqyqbuzýshylyq, esirtki, psıhotroptyq zattar, sol tektester men prekýrsorlar aınalymyn baqylaý týraly túzetýler jáne ákimshilik quqyq buzýshylyq týraly Kodeksine túzetýler.
Qujattardyń ishinde ratıfıkasıalanatyn aktiler de bar. Olar Eýrazıalyq ekonomıkalyq odaqtyń Keden kodeksi týraly Sharty men 1996 jylǵy 9 jeltoqsandaǵy Nú-Delıde jasalǵan Qosarlanǵan salyq salýdy boldyrmaý týraly Konvensıa men Hattama. Májiliske túsken ratıfıkasıalanatyn paketter men túzetýge engiziletin 2006 jylǵy 20 naýryzdaǵy Qazaqstan men Ózbekstan arasyndaǵy Halyqaralyq avtomobıl qatynasy týraly Kelisim men osy syndy Qazaqstan men Norvegıa arasyndaǵy Halyqaralyq avtomobıl tasymaldary týraly Kelisimdi atap kórsetýge bolady.
Jańa zań jobalarynyń qatarynda «Ustap berý týraly konvensıany ratıfıkasıalaý týraly» Qazaqstan Respýblıkasy Zańynyń jobasy, sondaı-aq, Qazaqstan men Saýd Arabıasy arasyndaǵy ustap berý, sottalǵan adamdardy berý týraly Kelisimdi ratıfıkasıalaý týraly aktiler kún tártibiniń jobasyna engizilgen.
Sondaı-aq, Palata depýtattarynyń plenarlyq otyrysynda ratıfıkasıalyq qujattardy qaraý usynyldy. Atap aıtsaq, Qazaqstannyń Serbıamen sottalǵan adamdardy berý týraly shartty ratıfıkasıalaý týraly kelisim-sharty. Búgin Búro otyrysynda «Memlekettik tildiń latyn grafıkasyndaǵy álipbıiniń biryńǵaı standartyn engizý máseleleri týraly» parlamenttik tyńdaý ótkizý týraly sheshim qabyldandy.
Budan basqa, Palatanyń plenarlyq otyrysyndaǵy kún tártibindegi jobasyna Parlamenti Májilisiniń ókilettikterin iske asyrýdyń úshinshi sesıaǵa arnalǵan negizgi is-sharalar Jospary týraly máseleleri týraly usynys berildi.
