AQSH-tyń Tehas shtatyn «Harvı» daýyly jaqyndap, kóptegen úılerdi qıratyp, 60 adamdy ómirinen aıyrǵany habarlanǵan bolatyn. AQSH-tyń ońtústigindegi shtattarda alapat daýyl saldarynan qutqarý-izdestirý jummystary qarqyndy júrgizilip jatqany da aıtyldy. 

«Harvı» daýyly oıran salǵanyna birneshe kún ótkennen keıin AQSH-qa saǵatyna 200 shaqyrym jyldamdyqpen taǵy bir daýyl jaqyndap keledi, dep jazady Qamshy.kz aqparat agenttigi sheteldik BAQ málimetine súıenip.  Daýyldyń aty – «Irma».

AQSH-tyń Ulttyq daýyl ortalyǵy atalmysh daýylǵa 5 baldyq shkalanyń tórtinshi dárejesine jetkenin habarlap otyr.

Oy tusta aıta ketsek, «Harvı» daýyly da bastalar tusta dál osyndaı kórsetkishti kórsetken bolatyn.

Tehas shtatynyń gýbernatory Greg Ebbottyń málimdeýinshe, sý tasqynymen kúreske 180 mlrd. dollar qajet bolady.  Al kóshelerdi qoqystar men qırandylardan tazartý úshin 100 mln. dollar jumsalmaq.

Bir daýyldyń ekpini basylmaı turǵan tusta alpaýyt elge taǵy bir daýyl jaqyndady. 5 qyrkúıek kúni Karıb araldary mańynda, naqtylaı aıtsaq Pýerto-Rıko aımaǵynda tolassyz jańbyr jaýady dep kútilip otyr.  Ázirge meteorologtar daýyldyń baǵytyn naqty aıta almaı otyr. Joba boıynsha 9 qyrkúıek kúni daýyl Florıdanyń ońtústigine deıin jetedi. «Aýzy kúıgen úrlep ishedi» demekshi daýyldyń zardabyn tartqan el Florıda shtaty men Pýerto-Rıko aımaǵynda tótenshe jaǵdaı týraly habar taratyp úlgergen.