Irma daýylynan zardap shegýi múmkin Kýbanyń shyǵys aýdandarynan 700 adam evakýasıalandy, dep habarlaıdy Qamshy.kz  aqparat agenttigi  korrespondent.net.

Jergilikti BAQ ókilderiniń habarlaýynsha, adamdardy týystary men 45 evakýasıalyq ortalyqtarǵa jáne 39 arnaıy oryndarǵa ornalastyrýda. Osy kezde Kýbanyń keıbir aýdandarynda nóser jańbyr jaýyp tur jáne sonyń saldarynan jaǵalaýǵa jaqyn aımaqtardy sý basýda. Jańbyrmen qatar aımaqta qýatty jel soǵýda. Osyǵan deıin Irma daýylynyń jaqyndaǵandyǵyn baıqatqan tropıkalyq jel Kýbanyń shyǵysyndaǵy Gýantanamo, Olgın jáne Las-Týnas provınsıalaryna soqty.

Kýbanyń azamattyq qorǵanys qyzmetiniń bas shtaby Gýantanamo, Santágo-de-Kýba, Granma, Las-Týnas, Kamagýeı, Sego-de-Avıla jáne Vılá-Klara sıaqty eldiń ortalyq jáne shyǵys provınsıalarynda dabyl rejımin engizdi. Bul rejım talaptary boıynsha, qaýipti aımaqtardan adamdardy kóshirip, kólik qozǵalysyna shekteý qoıylyp, qaýipsizdik úshin elektr jelileri isten shyǵarylady. Kýbanyń batys bóliginde ornalasqan Sanktı-Spırıtýs, Senfýegos jáne Matansas sıaqty provınsıalarynda tabıǵat apaty boıynsha «aqparattandyrý deńgeıi» engizildi. Ol boıynsha apat tóne qalǵan jaǵdaıda boı tasalaıtyn oryndar qarastyrylyp, kósheler tazalanyp, azyq-túlik pen janarmaı qory daıyndalady.