Dál bir jyl buryn 2016 jyldyń qyrkúıektiń 9-ynda Qazaqstannyń 9-shy premer-mınıstri bolyp Baqytjan Saǵyntaev taǵaıyndaldy. Bul qyzmetke deıin ol premerdiń birinshi orynbasary qyzmetin atqarǵan. Baqytjan Ábdiruly erterekte óńirlik damý mınıstri, ekonomıkalyq damý jáne saýda mınıstri, Pavlodar oblysy ákimi qyzmetterin atqarǵan.
2012 jylǵy qyrkúıekte Baqytjan Saǵyntaevqa bılik partıasy «Nur Otan» tóraǵasynyń birinshi orynbasary qyzmeti júkteldi. Ol bul qyzmetti bir jyldan asa atqardy.
Atqarǵan qyzmetterinde Saǵyntaev ózin isker, nátıjeli basshy retinde tek jaqsy jaǵynan ǵana kórsete bildi. Saǵyntaev Úkimet basshysy bolyp taǵaıyndalǵan kezden bastap, oǵan deıin bolǵan jabyq esik jaǵdaıynda ótetin úkimet otyrystary birden ashyq formatqa kóship, áleýmettik jelidegi premer-mınıstrdiń resmı paraqshasynan tikeleı efırde úkimet otyrystary ótkizile bastady. Saǵyntaev úkimet jumysyn ashyqtyqqa negizdelgen prınsıptermen basqaryp keledi, premerdiń bul sheshimi qoǵam men áleýmettik jeli paıdalanýshylary tarapynan pozıtıvti baǵalanýda.
Saǵyntaevtyń bir jyldyq premer qyzmeti eldiń esinde onyń «Jer komısıasyn» basqarýymen qaldy. Jer komısıasy qanshalyqty nátıjeli qyzmet etti? Elbasy tapsyrmasyna sáıkes Komısıa músheleriniń Astanadaǵy 4 otyrysy men Aqmola, Almaty, Qyzylorda jáne Atyraý oblystarynda jergilikti turǵyndarmen ótkizilgen kezdesýlerdiń nátıjesi men usynystar eskerilip, sondaı-aq, jer reformasy boıynsha bastamashyl azamattarmen talqylaý júrgizýde suraqtar men usynystardyń qaıtalanýy nazarǵa alyndy. Jer komısıasy Qazaqstan Respýblıkasy Prezıdentine qoldanystaǵy bir jyldyq moratorıı merzimin 5 jylǵa, ıaǵnı 2021 jyldyń 31 jeltoqsanyna deıin uzartýdy usynyp, prezıdent bekitti.
Prezıdent Nazarbaevtyń úkimet aldyna qoıǵan maqsat-mindetterdi Saǵyntaev bastaǵan mınıstrler kabınetiniń áleýmettik-ekonomıkalyq saıasaty oryndaýǵa qabletti. Keıbir burynǵy úkimet basshylary qoldanǵan popýlısik tásilderdi shetke ysyryp, naqty jumyspen aınalysyp, ekonomıkany turaqty ustap turýǵa bar kúshin salýda.
Saǵyntaev Premer-mınıstr bolyp taǵaıyndalǵannan bastap elimizde áleýmettik sası daýlar saıası daǵdarysqa ulaspaǵanyn atap aıtý kerek. Saǵyntaev ózin tek nátıjeli menedjer retinde ǵana emes, saıası óresi joǵary memleketshil tulǵa, jumsaq, lıberaldy reformatorlardyń jaqtaýshysy retinde baıqatty. Rýhanı jańǵyrý ıdeıasyn júzege asyrýda úkimettiń jumysy eń aýqymdy. Sebebi ekonomıkalyq jańǵyrýdy da, saıası sheshimderdi qatesiz oryndaý da úkimettiń tikeleı mindeti.
Saǵyntaev úkimeti basqa úkimetterden ózgerek. Onyń tusynda Konstıtýsıaǵa reformalar jasalyp, Úkimet quzyreti keńeıtildi.
Nurǵalı Nurtaı
