Astana qalasyndaǵy «Saryarqa» velotreginde Qanat Islam - Brendon Kýk jekpe-jegi aıasyndaǵy boks keshi jalǵasyp jatyr, dep jazady Qamshy.kz.
Sharshy alańnyń jetinshi juby 2013 jylǵy álem chempıony, Rıo olımpıadasynyń qatysýshysy Jánibek Álimhanuly men Jılberto Pereıra dos Santos shyqty. Alǵashqy raýndta 40 jastaǵy brazılıalyq boksshy Jánibekten biraz soqqy jedi. Ekinshi raýndta da Jánibek qarsylasy shegingen sátin tamasha paıdalandy. Bul joly Jánibek ótken jyldyń 29 qazanyndaǵydaı emes 6 raýndqa deıin sozdy. Qarsylasynyń aıtarlyqtaı eseńgirep qalǵany baıqaldy.
Jánibek Álimhanuly 1993 jyldyń 1-sáýirinde Almaty oblysyna qarasty Alakól aýdanynyń Jylandy aýylynda dúnıege kelgen. 8 jasynan bastap bokspen shuǵyldanady. Ol, halyqaralyq dárejedegi sport sheberi, 2013 jylǵy Almatyda ótken áýesqoı bokstan álem chempıonatynyń jeńimpazy, Inchhonadǵy Azıa oıyndarynyń jeńimpazy, Ammanda ótken Bokstan Azıa chempıonatynyń jeńimpazy.
Aıta ketetin bolsaq, keshtiń alǵashqy jekpe-jegin Meıirim Nursultanov pen brazılıalyq Ismael Býeno bastap, kásipqoı rıngte 3 jekpe-jek ótkizip, ekeýin jeńispen aıaqtaǵan jerlesimiz alǵashqy sekýndtarda-aq, qarsylasyn tyqsyryp tastady.
Ekinshi bolyp sharshy alańǵa kótergen Dımash Nıazov Edýardo Pereıra dos Reıshpen qolǵap túıistirip, qarsylasyn tóreshilerdiń bergen baǵasy boıynsha 2:1 upaı sanymen jeńdi.
Úshinshi bolyp sharshy alańǵa Aıdos Erbosynuly men Argentınalyq qarsylasy shyǵa sala qýalap júrip sabady.
10 raýndtan turatyn tórtinshi jekpe-jekke 20 boksynda 18 jeńisiniń 7-sin nokaýt jasaǵan amerıkalyq Tomas Djastın Berıl men qandasymyz Álı Ahmedov shyqty. Álı Ahmedov 8 raýndta qarsylasyn 2 ret qulatyp, jeńiske jetti.
Qanat Islammen birge bir aı daıyndalǵan Nursultan Jańabaev shyǵa sala Aleks Sandro Dýarteni uryp qulatty. Nursultan Jańabaev alǵashqy kezdesýinde-aq WBA chempıondyq beldikteriniń birin ıelengen.
Altynshy jekpe-jekte Rýslan Myrsataev pen Andres Matıas Affranıl shyǵyp, qarsylasy Rýslannyń soqqysyna shydaımaı 4 raýndta soqqyǵa shydamaı sereıip qulady.
Boks keshin «Qazaqstan» jáne «Qazsport» telearnalary tikeleı efırde kórsetti.
Anons bere ketsek, Qyrkúıek aıynda búgingi kúnnen bólek qazaqstandyq jankúıerlerdi 16 qyrkúıektegi Golovkın men Alvares arasyndaǵy taǵy bir jekpe-jek kútip tur. Búgin ekinshi ret áke atanǵan 35 jastaǵy Golovkın aldaǵy jekpe-jeginde WBC, WBA (Super), IBF jáne IBO tıtýldaryn qorǵaıdy.
AQSH-tyń Las-Vegas qalasyndaǵy 20 myń oryndyq T-Mobile arenasynda 16 qyrkúıek kúni ótetin boks keshtiń basty oqıǵasy bolmaq. Jekpe-jek Astana ýaqytymen 17 qyrkúıek, ıaǵnı jeksenbiniń tańynda ótedi. Golovkın – Alvares boks keshin translásıalaýǵa quqyq alǵan Qazaqstan men QazSport telearnalary tikeleı efırde kórsetedi. Sondaı-aq, Atalǵan boks 130 elde kórsetiledi.
