Almatyda "Almaty týry" besinshi halyqaralyq velojarysy bastaldy. Velojarys bıyl eki kúnge sozylyp, eki kezeń boıynsha ótedi, - dep habarlaıdy Qamshy.kz aqparat agenttigi.

Osyǵan deıin halyqaralyq jarys "kreterıým" júıesinde ótip keldi. Bul júıe boıynsha qatysýshylar aınalma jol arqyly synǵa túsetin. Al bıyl veloshabandozdar sóreden márege deıingi qashyqtyqty basyp ótedi. Jarystyń birinshi kezeńi 30 qyrkúıek kúni Astana alańynyń mańynda, Qazaq-Brıtan tehnıkalyq ýnıversıteti aýmaǵynan bastaý alady. "Qalalyq aınalym" Tóle bı, Fýrmanov, Sátbaev, Baızaqov kóshelerin, Abaı dańǵylyn jáne Jeltoqsan kóshesin qamtıdy. Máre "Almaty Arena" aýmaǵynda bolady.

Jarystyń ekinshi kezeńi 1 qazan kúni "Halyq Arena" mańynan bastalyp, veloshabandozdar "Shyǵys aınalma joly - Ál-Farabı" sheńberimen júredi. Al fınaldyq bóligi Tuńǵysh Prezıdent saıabaǵynan "Medeý" muz aıdynyna deıin jalǵasyp, jeńimpazdar sonda anyqtalady.

Almaty týry jarysyn "QazSport" arnasynan tikeleı efırde tamashalaı alasyzdar. Sondaı-aq 1 azan kúni "Evrosport" arnasy da jarystyń birinshi kúnindegi eń úzdik sátter men ekinshi kezeńdi kórsetetin bolady.

30 qyrkúıek pen 1 qazanda "Almaty týry-2017" velododasyn ótkizýge baılanysty megapolıstiń birneshe kóshesi jabylatyndyǵy jaıly habarlanǵan bolatyn. 

Almatyda Ortalyq Azıadaǵy eń iri kásipqoı velojarystardyń biri ótedi, "Almaty týry-2017" velojarysynaoǵan Qazaqstannan, Fransıadan, Ázirbaıjannan, Irannan, Malaızıadan, Ózbekstannan, Qytaıdan, Latvıadan, Ýkraınadan, Japonıadan, Italıadan, AQSH-tan, Shveısarıadan, Germanıadan jáne Ulybrıtanıadan sportshylar qatysady. Barlyǵy 20-dan asa komanda. 

Kópten kútken halyqaralyq kásibı tasjoldaǵy velojarys «Almaty Týry» osy kúzdiń eń basty  oqıǵalarynyń biri bolmaq. Atalmysh shara osy jyly Halyqaralyq Velosıpedshiler Odaǵy (UCI) reglamentine sáıkes, alǵash ret kópkúndik tasjoldaǵy velojarys ataǵyna ıe boldy.

2013 jyly bastaý alǵan «Almaty Týry» velojarysyn uıymdastyrý deńgeıi joǵarlady. Birkúndik «1.2» sanatty velojarys bolǵandyqtan, kásibı komandalar qatysa almaǵan. Alaıda, endi, UCI kelisimimen «Almaty Týrynyń» 2014 jyly «1.1» kásibı velojarys mártebesin ıelengeni, qatysýshylar sanyn birshama arttyrdy. Birkúndik halyqaralyq jarystyń mártebesin kóterý ońaı emes, mundaı úderis birshama ýaqytty qajet etedi, ony qarastyrý birneshe nemese ondaǵan jyldar ýaqytty alýy múmkin. Biz kópkúndik tasjoldaǵy velojarys mártebesin 4 jyldan keıin ıelendik, ıaǵnı Halyqaralyq Velosıpedshiler Odaǵy (UCI) bizdiń velosporttaǵy baǵytymyzdy joǵary baǵalady.

Osy jyly mereıtoılyq besinshi halyqaralyq kásibı tasjoldaǵy velojarys «Almaty Týry» eki kezeń boıynsha ótedi – qyrkúıektiń 30-y  jáne  qazannyń 1-i. Qatysýshylar jalpy 331,7 km qashyqtyqty baǵyndyrytyn bolady. «Almaty Týrynyń» birinshi kezeńi QBTÝ ǵımaratynyń mańynda bastalady. Qatysýshylar Tóle bı, Fýrmanov, Sátpaev, Baızaqov, Abaı jáne Jeltoqsan kóshelerinen «qalalyq aınalym» ótip, «Almaty Arena» mańynda márege jetedi. Ekinshi kezeńinde  veloshabandozdar  «Halyq Arena» ǵımaratynyń mańynda bastap, «VOAD-Ál-Farabı»,  Tuńǵysh Prezıdent saıabaǵy boıymen ótip, «Medeý» muz aıdynynda  qatysýshylar  velobáıgeni aıaqtady.

Bıyl velododaǵa 20 komanda tirkelgen,  ótken jylmen salystyrǵanda, 6 komandaǵa  artqan.  Osy jyly da dástúr boıynsha  «Almaty  Týryǵa» qazaqstandyq kásibı komanda «Astana Pro Team» qatysady. Onyń quramyndaǵy «Almaty Týrynyń» úsh dúrkin jeńimpazy Alekseı Lýsenko da el namysyn qorǵaıtyn bolady. osy bedeldi. Jerlesimiz  Ispanıada jaqsy nátıjeler kórsetken soń, kúsh jınap, aıtýly dodaǵa shet elderde daıyndyǵyn jalǵastyrýda. 

«Almaty Týryn» úsh márte jeńý men úshin úlken mártebe. Bul Qazaqstanda, Almatyda, óz jerimde ótetin velojarys, sondyqtan da maǵan artar úmit, jaýapkershilik kóp. Sondaı-aq, men úshin bul  velojarys  maýsym boıy ótetin  eń súıikti jarysym bolyp tabylady», - deıdi Alekseı Lýsenko óz suhbatynda.

Aıta keter jaıt, «Almaty Týry» qyrkúıektiń 28-i  kúni velosport jankúıerlerine jáne áýesqoılaryna arnalǵan sprınterlik jarys,  AstanaProTeam  veloshabandozdarymen avtograf-sessıasy jáne túrli saıystar beıresmı bastaldy. Al  qyrkúıektiń 29-y  kúni komandalardy tanystyrý rásimi jáne velojarys qatysýshylarynyń ashyq jattyǵýy ótti.

«Almaty Týry-2017 »  sportshylardy  erekshelendiretin eki jańa birdeı jeıdede usynady – «taýly» jeıde jáne «úzdik qazaqstandyq veloshabandoz» jeıdesi.