Qazaqstandyq boksshy Gennadıı Golovkın Germanıanyń Gıfhorn qalasynda nemis boksshysy Edýard Gýtknehtke qoldaý bildirýge arnalǵan qaıyrymdylyq keshine qatysty dep habarlaıdy Qamshy.kz aqparat agenttigi sports.kz-ke silteme jasaı otyryp.
Edýard Gýtkneht bas-mı jaraqatynyń aýyr zardabyn tartyp keledi. Bul týraly Waz-online.de habarlaýda. Qaıyrymdylyq keshte túsken 50 000 eýronyń 25 myńyn Golovkın syılaǵan. Jınalǵan qarjy Edýardtyń otbasyna tapsyrylady.
Gýtkneht boksshy Djordj Groývzben ótken 12 raýndtyq jekpe-jekte qatty soqqy alǵan bolatyn. Aıqas aıaqtalǵan boıda sportshy kıiný bólmesinen birden aýrýhanaǵa jetkizilip, onyń mıyna operasıa jasaldy.
Eske salaıyq, Edýard Gýtkneht áýesqoı boksta Gennadıı Golovkındi jeńgen bolatyn.
