Er bolsyn, áıel bolsyn sharıǵatta shash qıýǵa tyıym joq. Oǵan dálel retinde Mýslımde kelgen Abý Hýraıra (r.a.) jetkizgen hadısin aıtsaq bolady. Ol hadıste: «Paıǵambarymyzdyń jubaılary shashtaryn qysqartatyn edi» delingen. Býl hadıske týsinikteme bergen ıslam ǵulamasy ımam Náýáýı (r.a.): «Bul hadıs áıelderdiń shashyn azdap qysqartýyna ruqsat ekenine dálel», - dep aıtqan. Sol sekildi áıel kisiler óz shashyn ózi qıýyna da bolady, dep jazady Qamshy.kz aqparat agenttigi Muslim.kz málimetine súıenip.

Eskere ketetin nárse: áıelge tórt jaǵdaıda shashyn qıýǵa bolmaıdy.

1) Áıelge erler sekildi tym qysqa etip shashyn qıýǵa. Óıtkeni Paıǵambarymyz (s.ǵ.s.) áıelderdiń er adamǵa uqsaýyna tyıym salǵan.  Paıǵambarymyz (s.ǵ.s.): «Qıamet kúninde Alla nazar aýdarmaıtyn úsh kisi bar. Olar: Ata-anany qurmettemeıtinder, erkekke uqsaýǵa tyrysatyn áıelder  jáne óz jaryn qyzǵanbaıtyn erkekter» degen.

2) Shashyn bógde erlerge kórsetý úshin;

3) Shashyn bóten erlerge qysqartýǵa;

4) Kúıeýiniń ruqsatynsyz qysqartýǵa.