Astana qalasynyń Kásipkerlik jáne ónerkásip basqarmasy qalamyzda qaıdan otyn satyp alýǵa bolatynyń aıtty, dep habarlaıdy Qamshy.kz aqparat agenttigi Astana qalasy ákimdiginiń medıa ortalyǵyna silteme jasap.

Astana qalasynyń kásipkerlik jáne ónerkásip basqarmasy BAQ betterinde jáne áleýmettik jelilerde Elordamyzda kómir tapshylyǵy sezilip jatyr degen aqparatty joqqa shyǵardy.

«Qazir keı BAQ pen áleýmettik jelilerde bas qalada kómir tapshylyǵy sezilýde degen aqparat tarap jatyr jáne ol qatty otynnyń qymbattaýyna sebep bolýda. Aıta keteıik, qazirgi tańda qala boıynsha kómir tapshylyǵy joq jáne bolýy da múmkin emes», - dep habarlady Astana qalasy ákimdiginiń medıa ortalyǵyna qalalyq kásipkerlik jáne ónerkásip basqarmasy.

Kómirdi tómendegi mekenjaılar boıynsha satyp alýǵa bolady:

«Jylý NS 2030» JSHS (Astana, Gersen kósh, 6/1, tel.: 43 51 42; «Jyly Alem kz» JSHS (Abaıa-Jubanov qıylysy, Másokombınat aımaǵy); «Astana ınvest» JSHS (Prıdorojnaıa-1 kósh, Gersen kósh, 6/2, tel.: 48 67 61); «Sever energo» ýgolsnab» JSHS, (Lıteınaıa-1 kósh); «Umar kz» JSHS (Dýlatov kósh,182 (sentr beton).

Atalmysh kásiporyndarǵa kómir myna ken oryndarynan jetkiziledi: «Qarajar» (Shyǵys Qazaqstan oblysy), «Bogatyr» (Pavlodar oblysy), «Maıkóbe» jáne «Shubarkól» (Qaraǵandy oblysy).

Orta eseppen 1 tonna kómir 11 800 teńge turady.

«Qalamyzda kómir jetkilikti jáne apta saıyn tolyqtyrylyp otyrady», - dep habarlady Astana qalasynyń kásipkerlik jáne ónerkásip basqarmasy.