Qala búdjetinen bul maqsatta 65 mln. teńgege jýyq qarjy bólindi dep málimdedi Densaýlyq saqtaý basqarmasy basshysynyń orynbasary Tımýr Muratov.
«2017-2018 jyldarǵa arnalǵan epıdemıa maýsymyna 65 mln. teńgege jýyq qarjy bólindi. Soǵan sáıkes, 74 myńǵa jýyq qala turǵynyn tumaýǵa qarsy tegin vaksınalaýdy kózdep otyrmyz. Alynǵan vaksına qalanyń emhanalaryna taratyla bastaldy», - dedi T.Muratov.
Onyń aıtýynsha, tegin ekpemen halyqtyń dekrettelgen toby, ıaǵnı jıi aýyratyn balalar, túrli toptaǵy múgedekter men dıspanserlik esepte turǵan naýqastar qamtylady,dep jazady Qamshy.kz aqparat agenttigi.
«Qazir emhanalarda bul tizimder tolyqtyrylyp jatyr. Bekitilgen tizimge kiretin adamdar emhanalarǵa shaqyrylyp, tegin ekpe jasaıtyn bolady. Sondaı-aq, emhanadaǵy terapevt dárigerler belgili bir naýqasqa vaksınasıa jasaý kerek degen kórsetim qoısa, ol adamdarǵa da tegin jasaımyz», - dedi basqarma basshysynyń orynbasary elorda ákimdigi medıa ortalyǵynyń tilshisine bergen suhbatynda.
Budan bólek, atalǵan topqa jatpaıtyn azamattar óz erikterimen saldyrǵysy kelse ekpeni aqyly túrde jasata alady.
«Vaksınasıa jasatqysy kelgen adam emhanaǵa kelip, aqyly túrde jasaýǵa múmkindigi bar. Jalpy, Astanada vaksına tapshylyǵy bolmaıdy. Sebebi, aqyly qyzmet úshin búdjet esebinen emes, sol ekpeni alatyn azamattyń qaltasynan tólenedi. Shamamen bir ekpe 2200-3500 teńge aralyǵynda turady», - Tımýr Muratov.
Aıta keterligi, Astanada tumaýǵa qarsy ekpe 13 qalalyq emhana men 3 otbasylyq-dárigerlik ortalyqta júrgiziledi. Búdjet qarjysyna osy kúnge deıin Reseıde shyǵarylǵan «Grıppol» vaksınasynyń 14 760 dozasy alyndy. Aldaǵy ýaqytta taǵy 58826 dozany alý josparlanyp otyr.
