Elbasy bıznestiń áleýmettik jaýapkershiligin damytý baǵdarlamasy arqyly salynǵan Shyǵarmashylyq akademıasyna bardy dep habarlaıdy Qamshy.kz aqparat agenttigi Aqordaǵa silteme jasaı otyryp.
Qazaqstan Prezıdentine akademıanyń jumys jospary jóninde baıandaldy. Onda bir ýaqytta 1000-ǵa jýyq bala ǵylymı jáne shyǵarmashylyq qyzmetpen aınalysyp, ózderiniń aqparattyq tehnologıalar salasyndaǵy qabiletterin damyta alady.
Sońynda oblys ákimi B.Saparbaev óńirdiń qazirgi kezeńdegi negizgi damý kórsetkishteri týraly aıtty.
Shyǵarmashylyq akademıasy «Qazhrom» transulttyq kompanıasy» aksıonerlik qoǵamynyń qarjysyna salynǵan. Mekeme 6-18 jas aralyǵyndaǵy balalar men jastarǵa mektepten tys qosymsha bilim berýge arnalǵan.
